بنتي غلطت والله ستر اعلم ابوها ولالا ؟؟

البنت كانت مسويه هالغلطه قبل شهر ومادريت الا توني لما كررتها امس ،،، ما اخفي عليكم ان كلما شفت وجهها وفيه اثار ضربي لها يعورني قلبي حييييل ،،، بس شسوي لو تحسون باحساسي لما ماشفتها ودريت انها راكبه مع واحد وراحو بعيد .. جن جنوووني ،، ف اول ماشفتها ماتحكمت بنفسي ابد 😞
ابوها بس بيصرخ ويمكن يضربني ومايضربها وبالاخير مايراقبها بيتكل علي ،،، المدارس قربت وبنتي تروح مشي للمدرسه ،،، وبنات عمها معاها واتوقع هم ساس البلا لان صارت لهم هالقصه من قبل ،، الله يستر عليهم ىيحفظهم ،،،
مادري شقولكم بس والله اني احاورها واسولف معها وصايره صديقتها بس هي عنييييييده جدا جدا جدا ،،، تخيلوا اول مره قبل سنتين لما شلت الجوال منها قالت لصديقاتها انا بنتقم من اهلي وبصير فاسده عشان تعاقبنا يعني

كيف صلاتها؟
فسختي هافها مالك حق اكيد دخلت بصدمة نفسية من هالحركة
اهنتيها قدام اهلك خلاص شوهتي سمعتها و عمر الحريم ما تمسك لسانها الا من رحم ربي يعني حتى لو كان في فرصة زواج من جهة اهلك انسي
حاولتي تفكري و تفهمي ليش تتصرف كذا او انه يتعبك التفكير و ما يهمك ليش او كيف ؟
البنت ما تنسجم مع شباب في علاقات الا لانه تحصل حب و اهتمام من الشاب اللي يسمعها و اكرر يسمعها و يسمع مشاكلها و على فكرة لا تفكري انه يعطيها حلول او بيده عصا سحرية يخلصها من مشاكلها كل اللي يسويه انه يسمع و يسمعها كلام حلو فهمتي علي سحر الكلمة حاولي تفهمي مشكلة بنتك لانها مسؤوليتك و انت محاسبة عليها و لعلمك بس البنت بهالعمر ١٥ سنة ما تدخل قصص حب بدافع العلاقات الجسدية تلاقيه ابعد مما يكون عن تفكيرها
و الشي الثاني كيف صديقاتها؟
غالبا الصاحب ساحب تاكدي مين صديقاتها حاولي حتى لو تنقلينها مدرسة ثانية غيري الوسط اللي تختلط فيه و اقطعي علاقتها معهم ما تدرين مين منهم يوسوس لها و عموما البنت يهالعمر و تكلم ٩٠% الا يكون لها صديقات نفس الاتجاه
تكلمي ابوها او لا على حسب شخصيته اذا هو من النوع المتعقل و اللي يقدر يحتوي الموقف برزانة عقل كلميه اما اذا النوع الهائج و اللي ممكن يذبحها لا تكلميه و في كل الاحوال راح تتعاقبي انت ع الغلطة ذي و بيمنعك من الطلعة و غيره بس مثل ما انت مسؤولة هو كمان مسؤول عن انحرافها
انا مع فكرة انك تودينها تحفيظ قرآن و رجلك على رجلها
بنتك ما ينوثق في مشاعرها لانها بفترة ما تقدر تتحكم فيها راقبيها على طول تحاوري معها دائم شاركيها انشطتك و نشاطاتها لا تخلينها لوحدها لازم فترة تاديبية تاخذي منها الاجهزة الضرب و الشتم ما يجيب نتيجة لكن الحزم مطلوب
عمره التعنيف ما يولد الحب يعني تضربينها تبغينها تحبك و تفتح قلبها لك
تذكري دائما الحب يولد الحب
اذا في نصيب انسان ذو خلق و دين و وضعه مناسب زوجوها من غير اي تعنيف او غصب

تخيلي معي لو انك وقت عرفتي بصمت طالعتي في عينها بقوة لين تخترع و بس سالتيها مين ذا توريها انك عارفة و هجرتيها بمعنى لا تتكلمي معها لفترة و ترفضي تتعاملي معها كان اثر فيها اكثر من الضرب

زوجوها دامها محتاجه رجل دامها مشت بهالطريق صعب تتركه مايسترها ويملأ فراغها الا الزواج والمسؤليه

مدام عاقبتيها خلاص عليكي بالانتباه والتحذير وادعي لها بكل صلواتك صدقيني الدعا والصلاه راح يهديها وان شالله يمنعها عن كل شي