بنتي غلطت والله ستر اعلم ابوها ولالا ؟؟

وش هالرد الله يهديك بدال ماتواسيها وتطمنين قلبها هذي ام ومعذوره لاتشمت بأخيك ف يعافيه الله ويبتليك

عدال يامربية الأجيال اقول احمدي ربك على العافيه وقولي يارب لاتحطني في هالموقف اشوفك موقاعدة تحطين حلول كل نقدك ل تصرف الأم

برافو عليك الله يسعدك ويكثر من امثالك

لاتقولي لأبوها الا في حالة أنه بيتصرف صح وبتخاف منه
اما اذا الأمر عندها عادي عرف اولأ مافيه فايدة تعلميه لكن هدديها انك المرة هذي بتسترين عليها ولو تكررت لاتلوم الا نفسها..اجلسي معاها حاوريها خليها تتخلص من اللي مبتلية فيه اسأليها وش ناقصها عن باقي البنات ثقفيها دينيا لاتنشغلين عنها ..لاتقدميين المتع والسفريات على بنتك هذي أمانة عندك ومسؤوليتك..الأم اقرب لبنتها من الأب فخليك دائما مراقبة لها مراقبة باهتمام مو تصيد زلات اعطيها الثقة ...الله يهديها يارب ويحفظها لك ويصلحها ويستر عليها وعلى بناتنا وبنات المسلمين

اتقبل اراءكم كلها السلبيه والايجابيه ،، من بعد ماقريت الردود واحترت بين اقوله او ما اقوله ،، قلت اختار الامر الوسط... قلتله ان بنتك رجعت تكلم شباب وتفكر انها تواعد وعشان كذا ضربتها ،،، عصب وصرخ علي وانفعل وقال لي منك انتي الغلط اكيد لانك ماتراقبينها ولانك تخلينها تسمع اغاني ولانك تخلينها تمسك ايباد اخوها ومن بكره حتى التلفزيون ماتشغله وبيروح يهاوشها بس منعته وترجيته قلتله اخاف تزيد وانت عارف بنتك عنييده خلنا نفكر بحل ابدي 😭 شوي هدا بس متضايق كثيرر وقال بكره بتصرف بطريقتي ،، ما ادري ايش يدور بباله ،،، هذا وهو مادرى انها راكبه مع الولد بس درا انها محادثه كتابيه 😣 ... مسكت بنتي من شوي قلت لها انا مفهمه ابوك انك حاولتي تواعدين .. البنت صارت تبكي وخايفه وليه وليه ،، قلت لها لانك خلاص تماديتي ومايوقفك ويصلحك الا ابوك انا انتهت مهمتي معاك ،