صديق اخوي خطبني منه .. محتارة اوافق والا ؟

استخيري واستخيري واستخيري


اذا ع الراتب ربك الرازق اهم شي انه ملتزم بدوامه ويتحمل المسؤولية
ممكن يجيك شخص راتبة فوق ال 10 الاف وينقصل من عمله ماتدري
وممكن ربي يفتحها عليه ويزيد راتبه وربي يبارك فيه
زوجي اول ماخطبني كان راتبة 1500 فقط
اليوم ولله الحمد راتبة اكثر من 5 الاف
صدقيني مافي شي يدوم
اهم شي استخيري
وبعدين اهم شي انه اخوك عارف اخلاقه
افضل من شخص ما تعرفي عنه شي
ربي يوفقك ويختارلك الي فيه الخير

إذا مقتنعة بالولد تنازلي عن بعض المظاهر
مثلا خليه لا ياخذ قرض والمبلغ الي عنده يكفي عزيمة رجال وحفلة باستراحة
السكن مع أهله حتى لو غرفة والمستقبل يبني شقة فوق بيت اهله
بكذا بداية حياتكم لا ديون ولا قروض ولا أجار يعني زوجك يستلم راتبه كامل
وانتي درسي واشرطي الوظيفة لأن راتبه قليل ما يكفي لبيت ومستلزمات عيال

مبدئيا ٣ الاف يا دوب تكفي شخص واحد
ايجار ،فواتير، بنزين ، كماليات
من غير اذا ب تهدين ناس ب بيت جديد او مولود او تخرج
و من غير الطلعات اللي تحتاج مصروف شخصي معك
و المناسبات اللي تخص اقاربك و تحتاج انك تلبسين لبس مرتب و كوافيرا

لاحظي اني اتكلم عن ٣ الاف مو ألفين
مع هالمبلغ الزهيد مارح يكون فيه مجال انك تشترين اللي نفسك فيه
و حالتكم الماديه بتكون اقل اقل اقل من المتوسطه و بينقص عليك اشياء كثيره كنتي ما تستغنين عنها ب بيت اهلك


فكري ثم استخيري
او قولي لأخوك يوعده بعد سنتين على الاقل ، تنتهي القروض
و يصير معه ٤ الاف و يمكن الله يفتحها بوجهه و يلقى وظيفه اعلى راتب او يجيه ترسيم بنفس وظيفته و يرتفع راتبه
ايش وظيفته ؟

وافقي واشرطي عليه بيت خاص عشان ماتسكنين عند اهله
موب استنقاص فيهم بس دايم البعد عن اهل الزوج راحه تنشرى بالملايين🌚🥀
لازم يكتب في عقد الزواج بيت خاص ووظيفه
عشان لابغيتي توظفين بعدين مايوقف في طريقك

اذا بتوافق عليه
لازم تسكن بشقه عند اهله، اذا عندهم بيتهم ملك


و الا الايجار بياكل الالفين الباقيه من راتبه
و من وين يعيشون ؟؟