بنتي غلطت والله ستر اعلم ابوها ولالا ؟؟

اسمعي يا اختي اول شي واهم شي الدعاء ادعي ان الله يهديها ويسخر لها الصحبه الصالحه لا انتي ولا ابوها ولا حتى زوجها يقدرون يسوون شي اذا مشت بالطريق هذا ياما سمعنا متزوجات ماشين بنفس الطريق فمهما كان ما في مثل دعاء من بيده قلوب البشر..ثاني شي شيلي منها اي شي يثير الرومانسيه والغريزة والحب عندها مثل الافلام والاغاني ولا تقولين لها انك شلتيه علشانها ابد خلي الامور تمشي ببساطه واستدبلي هالقنوات بقنوات مفيده ..ثالث شي فرمتي الجوال وغيري الشريحه وان قدرتي بعد احذفي الايميل اللي مسجله فيه او غيري رقمه السري اخر شي حاولي تفصلينها عن المجتمع والصديقات اللي يصفقون لها ويغطون عليها مثلا اذا صاحباتها بالمدرسه ما ترتاحين لهم غيري مدرستها او احد من جماعتكم حاولي تقللين الاحتكاك فيهم وان رحتي لا تطولين وحاولي تكون اكثر الوقت تحت عينك واستغلي فراغها بشي مفيد دخليها دورات تحبها او مراكز او موسسات تطوعيه تستفيد منها وارجع واقولك الدعاء الدعاء

دامه مو أول غلط ..


أجل العقاب لازم يكون قوي عليها ...


لاتعطينها وجه أبدااا..الجوال غير مسموح بها بتاتآ


امسكيها ونصحيها ..إياك تموني عليها وكأن الموضوع عايد ..


بالعربي احكريها غداء عشاء فلوس من هاليووم حرمان
بسبب الغلط ..خليها تطبخ لنفسها وتحس بغلطها
انصحيها ذكريها بالله دائمآ وابدآ...


لازم يكون فيه توعية للأطفال قبل سن الرشد وضبط
وتوجيه لهم قبل دخول بلوغهم ..


نتكلم معهم عن خطورة الأجهزه ..عدم السماح لهم بفتح
حساب تواصل بدون رقابه ..تحديد وقت قصير للجلوسها
على النت ..إبعادهم عن القنوات ..لأنها تحلي
بعينهم العلاقات المحرمه ..
أسألي نفسك كأم ..؟
وش الي ساهم في ظهور المشكلة ..
مسلسلات تركيه ..إهمال الرقابه .


قلة النصح والتوجيه..
حطي يدك على اسباب إنحرافها وحليها ..
اذا دش عندك كسريه ..إذا عندها حساب تواصل مفتوح إغلقيه لها .الخ
مع مراعاان التوجيهات
الصارمة بسبب الغلط ..


فيه محاضرات شبابيه رائعه وقيمه لسيلم الجدعان..
تسمعينها انتي وبنتك لكن بأسلوب شبابي
بحت يناسب فئة المراهقين ...


بس ماتجيبها تسمعينها غصب لا..ارفعي الصوت وانتي
تسمعينها ..انصحيها بطريقة غير مباشره

غلطانه وستين غلطانه ..
يوم قلتي لها قلت له انك تكلمين ..


انتي بكذا ماحليتي المشكلة تطبطبي عليها وكأن الموضوع عايدي وطلعتي كذبه .
بنتك للأسف حركتك مع ابوهاتدفعها لتكرار خطأه لوتبغى
لأن انتي بداري على خطأها..


لاتكوني غبيه وتنخدعي مثل مانخدعت بنتك يوم طلعت معها ..
انتي المفروض تقوي قلبك وإذا ابوها ضربها ماضربها
إلامن شئ كايد كبير سمعه شرف ..المداره في مثل والمواضيع ماتنفع ..
وأسفة على إني بقولك تربيتك غلط يامربيه..


ابوها يقول بسبب اغاني ...البيئة لها دور..
والتربيه لها دور ..
الأغاني صوت الشيطان سبب من الأسباب
ارجوا النظر في التربيه من اول وجديد
تراك محاسبه عن بنتك ..

اقصد غلطانه يوم قلتي لها كذبنا على ابوك

انا ماقلت لابوها السالفه كامله عشان يصير بيدي شي اهددها فيه اذا حاولت تكرر الغلط ،، صدقوني اني دايما اتحاور معاها بكافة المواضيع الشبابيه والبنات والي يلعبون والخ الخ ،، وترا جد من صارت تتابع تركي وهي متغيره ،،، صارلها الان اكثر من 6 شهور تتابع مسلسلات تركيه لدرجة تسهر وتتعب وتروح المدرسه سهرانه بسبة هالمسلسلات مع اني امنعها واحاول افهمها ان هالشي غلط بس مافي فايده ،،، بنات عمها ساكنين معانا بنفس العماره يعني مافي مفر ،،، وهم يكلمون الله يستر عليهم ، واهلهم متشددين معهم بالقووه .. ومافي فايده برضو يحاولون يكلمون .. بنتي تجتمع معاهم يوميا ولا اقدر اقول لها ابعدي عنهم لان مهما كان بنات عم