ماتوقعت منهم كل هالخبث والحقد

اتوقع مو متحملين عيالكً وبيضيقون عليك بالبيت عشان ترجعي لطليقك حسيت هيك

ايه يضيقون علي اساسا احس انهم مو اهلي كاني مالقيت ماوى ولجئت لهم
او لا طليقي لايمكن الرجوع له لو الموت ليش مطلقني ثلاثا ومتزوج الان واحمد ربي انه متزوج عشان افتك
وانسان سيء معاملته سجن وعذاب ومراقبه هو واهله
واهلي مايبونه يطلقني الخلل بالاهل ذولا يكرهون بنتهم ولايخدمونهم ولا الخلل انه عشان عندي عيال اذكر قبل مااتزوج بدون مقدمات خلوني عند واحد من اخواني هو وزجته عذبوني ولا يبوني يقولون تحبسين حريتنا
انتي لو تشوفيني كتله من الهدوء والادب والجمال المصيبه اني ولدت بعائله سيئه من ماتت امي اصبحت سالي
انا مستحيل كل الصمود والكفاح اخسر عيالي زي ماخسروني دراستي وضيعوها هم وطليقي
انا اليوم دعيت على كل من ظلمني وقهرني وعذبني
هي دنيا فانيه ادري بس وش الهدف من كل ذا ليش يضغطوني وانا طيبه وساكته واكرف ليل ونهار وين اروح
وبعدين عيالي مستحيل اخسرهم يكفي خسروني دراستي وهم يحبوني مره وانا كذلك السبب في الاهل نفسهم مافي اقارب تفهم كذا مره شكيت يكلمون اختي الكبيره عشانها ماحست بوضعي وكلن يخدمها
تعطيهم الصوره غير اني اكذب واتدلع وابالغ
وهي نفسها تقول بلسانها مالي شغل فيك وباحد ياله نفسي

انا من كل هذا الرد ابي اعيش مع عيالي الى الابد ولايفرقنا الا الموت كرهت الكيد والخبث من طليقي واهله ومن خواتي
هل هذا مستحيل انا ام احب عيالي وضحيت عشاني احبهم .

هنا بهالحاله اللي يوقف بصفك شهادتك .. معك شهاده توظفي وعيشي لنفسك ولعيالك وبعدها ابني لك ملحق لو غرفتين ومطبخ
واكرمي نفسك
وخواتك مهما سووا لك كوني افضل منهم ولا تردين عليهم لكن احذري تقاطعينهم .. الزسول ﷺ نهى عن قطيعة الرحم خليك سلام وبدون مقاطعه ...
والله ييسر لك كل عسير ان شاءالله
ويمكن الزواج الثاني حل ويمكن لا فلا تخلينه ببالك ...

كبري قلوب عيالك عليهن وقولي لهن بكرا بيكبرون عيالي وبيمسحون بوجيهكن البلاط
لانادوهم خليهم يسفهونهن
واطلبي من الظمان الاجتماعي شقه اجار لك ولعيالك قولي اهلي ياذوني وعيالي

الله يكون بعونك 😩