شعوري غريب تجاه ضرتي!

الله يصلح ما بينكم
بس انا عندي مثل استفهام احد العضوات بالتعليقات السابقه
غريبه عمرك ٢٤ و يتزوج وهو توه عريس ما لحق يمل و الا يجدد
و ما لحق يخلص من ديون زواجه الاولي


و بنفس الوقت استغرب من اللي تقول غبي انه تزوج و زوجته صغيره و جميله
ممكن الموضوع مو قصة جمال و عمر
لكن العقل الثقل الاخلاق الحنان كلها اشياء مهمه يبحث عنها الرجل


وانا سمعت قصص مشابهه لأزواج تزوجوا على زوجاتهم وهم مالهم كم سنه و السبب عدم الانسجام و المشاكل المستمره و الحياه اللي صارت جحيم

حبيبتي انتي امين يارب

وانا م تضايقت انها سولفت وعادي اسمع سواليفها ولو تحمست شوي يمكن اعلق كانت مجرد فضفضه حتى انو زوجي سكتها وقام يسالني عن شغله لانه شافني م اتكلم ويحسبني متضايقه كذا انا ساكته مقدره وجودها جنبي وم ابي امون
بس لان قرايبي معي تضايقت وكلمته وانا ربي يعلم م جبت سيرتها حتى هم م قالو فيها شي معي الا وحده لكن هم كذا رسميين معها

لو انا منك قلت ارجعو البيت وانا بيرجعوني اهلي في طريقهم وكملي وناسة بس حركة اقاربك جد م تصير

موقف العزيمه ترى صعب
علينا كلنا
تخيلي تروحين مكان ويطنشونك اللي فيه !!
طبيعي جداً بقولك كلمي زوجك واطلعي لا تجلسين
وطبيعي بقولك من حقك تتضايقين
وكلام قريبتك مادري كيف تسمح لنفسها تقول كذا !!
طيب الرجال اللي متزوجها وعاجبته وخلاص مو اخذ شور هذي بنت عمك ،

اللي ماحبيت انك تقولينه كثير كتبتي مقارنه بينك وبينها
ولو كنتي الثانيه وجايه تقولين هالكلام وهالمقارنه بقول لك نفس الكلام.
لان الموضوع بيكبر عن كذا ترى!!


تعرفين ليش
لان اليوم كتبتي عنها وشرحتي ودققتي في كل شي
وبكره تتعودين وترجعين تسولفين فيها ويلا تشغلين نفسك وحياتك بشي ماراح ينفعك
بالعكس حسناتك تروح
وبالاخير تقولين موضوعي مجرد فضفضه !
الموضوع فضفضه اذا كان يخصك انتي بلحالك
مو انسانه معك ومقارنات ووووو