السلام عليكم ورحمة الله وبركاته...
أخباركم بنات؟
هاذي أول مشاركة معاكم في المنتدى كله ومع
ذلك من كثر مااقرا لكم واتفاعل معاكم احس
كأنكم تعرفوني وأعرفكم...:26:
بقولكم مشكلتي يابنات.. اللي هاذي السنة
الثالثة أو أكثر اللي أعاني منها بالمدرسة
يعني من يوم أنا بثالث متوسط(ياقلبي علي بريئة!)
إلى الآن وأنا بثاني ثانوي... :(
والله ماادري شلون أبدا لكم قصتي..
احس الدمعة بتخنقني بس يالله لازم اتكلم يمكن ألقى
عندكم حل مناسب يفكني منهم، ولا على الأقل الدعاء:44:
بدت معاناتي يوم بثالث متوسط لكن الحمد لله ان ذيك السنة
مرت سريعة وماحسيت بالمعاناة صدق الا عقب دخلت الثانوي..
أول مادخلت الثانوي كانت المرحلة جديدة علي
والمدرسة جديدة علي (كنت قبل بمدرسةثانية) والمعلمات
جديدات علي.. ييعني مااعرف الا صديقاتي بس..
وتخيلوا طالبة توها داخلة مرحلة شلون تفكيرها شلون
أحلامها واصلة السما وتنصدم بشي ماتوقعته أبدا!
راح من دخولي للثانوي فترة بسيطة..
لين جا ذاك اليوم وتفاجأت الا ووحدة بالفصل مااعرفها تقول لي
انتظريني بوقت الفسحة (الاستراحة) أبغاك بموضوع!!!
والله يابنات اني خفت كثير وماصدقت تطلع المعلمة من الحصة الثالثة
قلت لصديقاتي اطلعوا انتظروني برى الفصل..
رحت للبنت وتفاجأت انها تأشر على طاولة صديقتها اللي بجنبها (بنفس فصلنا)
الا واسمي مكتوب بخط كبيييييير على طاولة صديقتها وعلى الجدار
وبأماكن كثييييييرة!!! أنا صدمني هالمنظر كثيييييييير والله جلست
لحظات مااستوعبت!! قالت لي البنت: ماتدرين ليه صديقتي كاتبة هاالاسم على طاولتها؟؟
قلت ماادري ليه؟.. لكن ماردت علي البنت وطلعت!!
فهمت بعدها انهم بيوصلون لي رسالة معينة..
وانها بدت معاناتي مع شي اسمه
ا ل ا ع ج ا ب
وبدا الابتلاء............
انتظروني بنات برجعلكم الحين قصتي طويييييييلة
لحد اني كرهت المدرسة موووووووووووووووووت....
شاركي في النقاش
سجلي الدخول لإضافة تعليق.
التعليقات
94- كملــي حبيبتي انا معك:)
- كملــي حبيبتي انا معك
- أسأل الله أن يغنيك بحلاله عن حرامه ..
هاتـــــــــــــي يدك ..
وسنمضي على درب الصلاح والتقى بأذن الله .. - الله يوفقكم والله شوي وأبكي يابنات من ردودكم:(
والله حاسة من قبل اني بلقى تأييد منكم وتفاعل..
------
بكمل لكم قصتي...
طلعت لصديقاتي برى الفصل والله وأنا مااشوف الدنيا حولي
أحس بأي لحظة بطيح عليهم..
خبرتهم عن السالفة.. لكن ماادري مااحس انهم أخذوا الموضوع
بجد حتى ان وحده منهم ضحكت وقالت (من قدك صار لك معجبة!!!)
طبعا تمزح.. قلت في نفسي يمكن أنا مكبرة الموضوع وسكت..
ومن ذاك اليوم بدت لغة العيوووووون!!
أعوذ بالله الله لايوريكم نظرات من فووووق لتحت ولانظرات ولد لبنت!!
تخيلوا يابنات والله المعلمة تشرح والبنت معلقة عيونها فيني!!
حتى وحده من المدرسات قطعت الشرح ونبهتها قالت
فلانة خليك معانا.. ومافي فايدة! وياليتها وقفت على العيون.....!
راحت الأيااام وهي على هالحالة ..
مرة جيت بطلع وتعمدتْ هي -مع الزحمة- تكون بجنبي
وجت زميلها ودزتها علي يعني طااااحت علي بدلع!
أجي بدخل الصبح ألقاها قاعدة تنتظرني ومسويه نفسها حزينة..
أدخل الفصل تمسك خط نظرات تقولين شايفتلها فيلم رومانسي!
هذا غير تجديع الكلمات تناااظر بعدين تقول (يااااربي بس!)
ولا (ياناااااااس!) ولا.. ولا.. وغيرها كلمات ماتنقال
يعني بشكل مو معقوووول....
تصدقون بنات مرة انتهى الدوام..
طلعنا.. يوم وصلنا البوابة الخارجية الا وشوفها منسدحة!!
تخيلوا والله ماابالغ.. مو منسدحة تماما بس تعرفوا حركات
الفنانات واللي بالدعايات اللي تجي منسدحة على جنبها ومتراكية على شي..
كانت هي زيها ومتراكية على شنطتها,, وخوووووذو من هالنظرات!
والله يابنات اني بعد هالموقف خفت على نفسي
منها حتى صديقاتي بدوا يتضايقون.. بس قالوا ماعليك منها طنشيها وراح تنسى..
كنت ذاك الوقت بأول ثانوي..
مر وقت قصير طلعتلي وحدة ثانية (معجبة) بثالث ثانوي!!!
تخيلوا بنات بثالث يعني حرمة كبيرة عندها وقت للتفاهات هاذي؟؟
ويالله ضاعفوا هالنظرات والحركات..
وانا والله يابنات لاتسألون عني تعبت نفسيتي مرة.. وبديت أكره المدرسة..
إذا رجعت من المدرسة أتنفس الصعداء احس اني مو راجعة
من مدرسة راجعة من حرب!بديت أخااااف على نفسي أكثر من قبل
أخاف أنجرّ معاهم ويتأثر قلبي فيهم..
وخاااصة طبعي كتومة جدا ماخبرت أي أحد من أهلي أو أمي لحد الآن!!
ومع ذلك المعاناة لسى ماانتهت..
جا النصف الثاني تقريبا الا وتبدا بنت بالمتوسط
تجدع كلمات ونظرات.. وتنتظرني عند الباب..
ومرة لقيتها حاظنة عبايتي!! ومرة جالسة جنب شنطتي..
ومواقف والله ماتحصى....
بالرغم اني يابنات ماخبي عليكم شي أنا مو ذاك الجمال ولا الجسم
ولا ذاك التميز بشكلي وبشهادة كل اللي يعرفوني. بالعكس عاديةجدا!
الجمال أعتقد متوسط أو أقل
البياض مو بيضاء بالعكس عادية
الجسم ياربي لك الحمد ماعجبني دبدوبة شوي
الشعر عقب الابتدائي نصفه تساقط!
مجرد اني ماسكة النشاط المدرسي..
وأحب -أنا وصديقاتي- النشاطات هم يخلوني دايما أصير رئيسة عليهم
نسوي الإذاعة والحفلات وأعتقد هذا شي طبيعي خاصة اني مع صديقاتي..
يعني والله ماادري شلاقين فيني أنا بالذات...
بس أكيد ابتلاء من الله..
وماتأكدت من الكلام هذا الا السنة اللي فاتت..
لأنهم صاروا مو 3 معجبات وبس!
لا زادوا يمكن تضاعفوا بعد..
طلعت وحدة بثاني متوسط أعوذ بالله..
بديت أشك انها فيها شي..
مرة غبت عن المدرسة تقول صديقتي والله انها متعلقة فيني وتسألني عنك!!
تقول صديقتي آخر شي قلت أبسكتها أكيد تعبانة وقامت تبكي!!!!!
ووحدة بأول ثانوي برضه.. كل يوم أشوفها قدام وجهي..
وصديقاتها يعلقون عليها قدامي ويصارخون إذا مريت من عندهم..!
والله يابنات صرت الحين كأني فيني حالة نفسية!
مستحيل أمشي بالمدرسة الا بصديقاتي..
أحس ماصار عندي ثقة بنفسي زي أول..
لأني عارفة وش بيصير لي من مضايقاااات مالها حد إذا سويتها!
وزيادة على ذلك صرت أخاااف على نفسي بجد منهم..
وماادري شالحل.. قالوا لي تجاهلي وطنشي تجاهلت بس حسيتهم
يزودون أكثر كثير مع التجاهل..!
والمشكلة اني مااقدر أقول لأحد لأن طبعي أخبي كل شي بقلبي
وما طلعه لأي أحد..وماقلت لأحد الا وحده أعرفها برى المدرسة
قلتلها وقالتلي برضو طنشي! و صديقاتي اللي بالمدرسة
أحسهم لحد الآن ماحسوا باللي أحس انا فيه وماطوني حل للمشكلة.
وحدة فيهم إذا ضاق صدري تقول ( شفيك لو انامكانك كان استاااانس!!)
ووحدة ثانية دااايم تعلق علي وتسألني (بصراحة تبادلينهم المشاعر؟؟؟)
يعني أقرب الناس لي ماااااااااااااااافهموووني!!! :44: - اكملي ونحن معك والله بفرج كربتك وهمك
مواضيع مشابهة
تابعي تجارب أخرى من هذا القسم.