كيف اخليه ينام وحده تعبت

عشان عودتيه ينام جنبك الحين يبغالك تستنيه ينام وتشيليه على سريره ممكن يقوم ويبكي حاولي تطمنيه وهو بسريره اذا مررره رفض خذيه جنبك وكل يوم كذا الين مايتعود انه ينام بسريره
الله ييسرلك

خليه ينام جنبك الين يدخل روضه ع اقل يوم من الأيام بيكبر ان شاءالله وينام لوحده الاطفال مسؤاليه..

مفروض انك فصلتيه من عمره صغير عادي مافيها شي وين الحنان اللي بيحصله وهو نايم وانتي نايمه شوفي اقرب غرفة لغرفتك حطيه فيها وافتحي ابوابكم على بعض وحطي عندك كاميرا صورة وصوت وكل ما تقلبتي قومي شيكي عليه وابعدي الاشياء الخطرة عن غرفته لبسيه شي ثقيل بدون بطانيه واستودعيه الله


نصيحة ياختي الاطفال غلط انهم بغرفة اهلهم جدااا غلط يشوفون مناظر مو زينة ولا تقدرون تاخذون راحتكم ولا يقدر هو ينام براحته اذا كان ابوه يشاخر او يحب الجو بااارد او ظلام


ولا تسمعين للي تقول حنان وعطف وقلبك كيف يطاوعك بالعكس لحاله يتعلم مايخاف ويثق بنفسه ويصير استقلالي مو يعتمد عليك بكل شي بعدين
انا صاحبتي بنتها من عمره 8 شهور بغرفة لحالها وحتى ماشاء الله تبارك الرحمن تنوم نفسها البنت تحطها بفراشها وتلعب بالالعاب اللي فوق السرير وبعدها تنام وارتاحت من تنويمها والحين عمر بنتها 3 سنين ولا فيها الا العافية ومؤدبه بسم الله عليها بالعكس الطفل ينام بغرفة لحاله افضل له ولاهله
واستودعي الله واقري الاذكار عليه قبل ماتنومينه كل مره

اوكي اذا عمره سنتين وفوق ممكن أستوعب إني أفصله بغرفة لحاله
أما شهرين ثلاثة😳😳😳


شو حادني أطلعه بغرفة بروحه

طريقتي مع اولادي اني اجهز سريرهم من قبل ولادتي ومن ارل يوم لهم ينامو فيه ويكون سريرهم بغرفتي جنب سريري مستحيل مستحيل انوم اطفالي على سريري لثلاث اسباب



الاول عشان مايتعودو ويكون صعب اني افصلهم


الثاني عشان ينامو مرتاحين مو كل شوي يفزو اذا اتقلبت او ابوهم اتقلب


والثالث لاني انا كأم ورايا الف شغله لما اصحى استحق اني انام نومة مريحه مو انام وانا شايله هم الطفل لايتقلب عليه ابوه او لايطيح من سريري



عشان كذا الحمد لله ابدا ما اعاني بمسألة فصلهم عني حتى لما خصصت لهم غرفه ماتعبت ولا عانيت نفس السرير اللي جنب سريري حطيته بغرفتهم وماحسو بفرق المكان الحمد لله