حبيت ولكن

معروف الرجل ايش يبغى من الانثى ....
اما ان ياخذه بالحرام فيكون تجربه ويرميها
او بالحلال ويصان حقها وشرفها
العلاقات اللي بيقولوا عليها ...راح تنتهي وبتصير حسره هي بتتعلق بواحد مستحيل يرضى انها تربي اولاده لانها وباختصار بتربي بناتها زيها ومستحيل رجل يرضى هذا الوضع
او بيكون قليل ذمه وبيستعرض فيها في مستنقع الرذيله وبيفضحها بحجه ماعندها شرف ومااحد ينخدع فيها
الله يستر علينا وعليك وعلى المسلمات البنات اللي بتقولي عليهم صحبات اول شي تسويه تبعدي عنهم لانهم رفيقات سوء
ووصفك ياختي للحب اللي هو بالاصل (علاقه عابره) فيه فتنه لصغيرات السن والمراهقات اللي بيقروا موضوعك
الله يهديك ويهديهم

معقول..والله اتعجبت الدنيا خربت لذي الدرجه...الله يستر من الجاي

وع قالك اكلم وين بروح من الله قلك شيء جميل الله لا يبلاني تخلف تعفن عقول ناقصة

البنات ما شاء الله كفوا و وفوا
بس ابسالك سؤال: الحين انت راح تكوني مبسوطة و مرتاحة لما تكلمين واحد من ورا اهلك، و تلتقينه من ورا اهلك، و يقولك حبيبتي و يتغزل فيك و الخرابيط هذي و هو رجال يعتبر غريب عنك، بالله راح يكون ضميرك مرتاح؟ ما راح تحسي نفسك وسخة؟
و انت ترضين تسلمين قلبك لواحد ما تربطك فيه اي علاقة، يعني مثل ما جابه الريح يوديه الريح، و اذا تعب منك بمكالمة ينتهي كل شي، كانه ما عمر كان في شي؟ لهالدرجة ترخصين نفسك يعني؟
خبري بالحريم غاليات، لحتى تجوز لرجال لازم يجيب اهله لبيتهم، و يخطبها من ابوها، و يعطيها مهر اوجبه الله لها هدية، و فترة الملكة ابوها يتشرط، و اخوانها يتشرطون، و ما عندنا بنات يطلعن قبل العرس، و اذا زارها ينشب له اخوها بالمجلس، يعني حتى جلسة بينه و بينها تصير من اصعب امانيه، هذا و هي زوجته.
و تجين تقولين ابغى اكلم، طيب وين غلاك؟
" المرء على دين خليله، فلينظر احدكم من يخالل"
صدق رسول الله عليه الصلاة و السلام.
ابعدي عن هالصحبة، و اشغلي نفسك بدراستك و باشياء تفيدك، و خل عنك خرابيط الحب قبل الزواج، لانه كلها بدايتها لذة، و نهايتها الم.

طوري من نفسك و من شخصيتك، عشان ما تاخذين واحد تبن على قولتهم، لانه لما تكوني مثقفة مثلا راح تجذبي لك واحد مثقف، و تعيشي الحب الحقيقي فالحلال، اللي بالنور، اللي فيه يقولك زوجك حبيبتي قدام اهلك و قدام كل الناس و لا احد راح يحق له يعترض، الحب اللي ما ينتهي بمكالمة، لانه فيه ارتباطات و حقوق و واجبات، الحب اللي يباركه ربنا، الحب اللي نقول هذي زوجة فلان، مو حبيبة فلان، او عشيقة فلان.
" و ليستعفف الذين لا يجدون نكاحا حتى يغنيهم الله من فضله" سورة النور، الاية 33