سوالف الزواج

تسال دكتتور افضل

هو غير معدي ولكن فيه عامل توريث. لا نقول إنه أطفالها 100% يصير عندهم بس مقارنة بغيرهم نسبة الإصابة احتمالها أعلى. تتوكل على رب العالمين. المظهر شي زايف والأهم اتفكر انه ذريتها اتكون صالحة يبرون فيها ويكونون ذخر لامتنا.


اسمه بالانجليزي vitiligo إذا حبت تقرأ أكثر وأنا جبت المعلومات من الرابط في الأسفل. Mayoclinic من أشهر الجهات الطبية الأمريكية.


https://www.mayoclinic.org/dis...

الي اعرفه ان البهاق مرض مناعي، يعني الجسم يبدأ يهاجم الخلايا الصبغية للجلد ، و السبب ورا جنون جهاز المناعة يختلف من شخص لآخر ممكن تكون النفسيه السبب او اكل معين و هكذا..
و اذا بالنسبة للوراثه، فالوراثي في الموضوع هو جهاز المناعة الي عنده استعداد انه يختل بأي لحظة و يهاجم جزء من الجسم فممكن يسبب ثعالب بالشعر أو بهاق أو السكري النوع الأول أو ذئبة حمراء و غيرها من الأمراض المناعية،
خل تتوكل على ربي و تحمل و ان شاء الله عيالها مايجيهم إلا العافية❤️

البهاق مرض جلدي لا يعدي ولا ينتقل بالوراثه خليها تتوكل على الله وتحمل اختي فيها بهاق ومتزوجه وعيالها مافيهم الا العافيه
تخلي الوسوسه عنها

البهاق غير معدي لكنه له اساس وراثي لا يظهر الا اذا توفر السبب اشرحلك ركزي
فيه عائلات فيهم مثلا استعداد للسرطان ذول ما يجيهم السرطان الا لو تعرضوا لشئ مسرطن اذا ابتعدو عن المواد المسرطنة واسباب السرطان ما بيجيهم في حين العائلات الي ما فيهم اذا تعرضو للمواد المسرطنة ما بيجيهم لان اصلا ما عندهم استعداد للاصابة بالمرض نفس الشئ البقع الجلدية العائلات الي فيها استعداد للبقع الجلدية اذا تعرضو للشمس تطلع لهم بقع اذا ما تعرضو ما تطلع لهم البقع والعائلات الي ما عندهم استعداد للبقع ما تطلع لهم البقع لو جلسوا في الشمس ليل نهار البهاق نفس الشئ هو مرض متعلق بجهاز المناعة له اساس وراثي ويظهر في حالات الصدمة (الفجعة او القرعة ) او في حالات الكآبة والظغوط النفسية اذا موجود في اهلك وما تعرضتي للاسباب هذه ما يطلع لك والموضوع نفسه بالنسبة لاولادك وللعلم حتى لو زوجك ما فيه انتي وحدك كافية تورثين المرض المهم تحافظون على انفسكم من الفجعة من الظغوط النفسية والطب حاليا تقدم وفيه علاجات وكلامك عن الانفصال عن زوجك اعتبره صراحة جنون احمدي ربك غيرك مو لاقية