السلام عليكم
ارجو افادتي في كيفية التعامل معها
انا عمري تقريبا٣٦سنه ماتزوجت
ووالدتي منفصله
واعيش مع اختي اصغر مني عمرها٢٨ سنه تقريبا
يابنات من يوم هي صغيرة وهي مشاكل معاي طول الوقت وسب وشتم وعدم احترام
رغم اني من عمري ١٠ سنوات الى اليوم وانا اخدمهم زي الشغاله بالضبط
هي واخواتي الثانيات
اقسم بالله مايشيلو ابرة من البيت
حتا الاكل يجيبونه من المطعم ياكلون ويخلصون ويخلون السفره مكانها
لين اشيلها حتا لو بعد يوم او يومين
يوصخون البيت. ويسوون فوضا كأنهم اطفال وانا اكرف٢٤ساعه
النظافه في الحمام صفر
المهم هذا الوضع العام
نرجع لموضوعنا
هذي اختي الصغيرة احس قلبها مليان غل وحقد علي لان كنا نتهاوش كثير زمان وانا مراهقه
والله يابنات قايمة بالبيت من الى واخدم واطبخ وانفخ حتا غرفتها انظفها لها
ومن يوم هي صغيرة وانا انظفها والبسها وااكلها
رغم ان مابينا الا ٩ سنوات
قبل شهر كان فيه عمال يشتغلون بغرفتي واضطريت اخذ عفشي واروح غرفتها
غرفتها كانت ملخبطه قالت امانه رتبيهالي
ورتبتها ونظفتها وبخرتها
وبعد ماخلصت قاعده تتأفف وتسوي حركات تتحجج علي تدور مشكله
لين سوت مشكله وطردتني من الغرفه. ورمت اغراضي كلها بالصاله ع البلاط العمال يدهسون عليها
الشي الثاني انا اشتغل مندوبه
اصرف عالبيت ودخلتها معي المجال وعلمتها الشغل ووفرت لها البضاعه وصارت معينه خير
وربي يابنات ماكانت تلقا الريال والحين في نعمه بفضل الله ثم بفضلي
المهم قبل فترة قالتلي بسوي تصاميم لك وطلبت مني ارسلها تجارب زبايني وانا علا نياتي ارسلتلها التجارب
وقبل يومين اكتشفت انها اخذت التجارب حقتي
جيت اكلمها واتساب قلتلها ليش تسوين كذا حرام عليك هذا تعبي وشقاي ٧ سنوات وتجارب زبوناتي اعتز فيها واعرضها عالزباين الجدد
وانتي قلتي بتسوينلي تصاميم عشان كذا ارسلتهاعليك
تقومين تاخذينها تنسبينها لنفسك وتخدعيني
قامت تسبني بكلام قذف وانتي حاسدتني عشان رزقي اكثر منك
ماعد علا لسانها الا هالكلمه انتي تحسديني
رغم اني اشتغل وعندي خير الحمد لله
وهي طول الوقت تقولي تحسديني موتي بقهرك
انا والله ماتهمني الفلوس يابنات اهم شي مستورين والحمد لله
وصارت تدس الطلبات حقت زباينها وتسوي حركات غير مقبوله علا اساس اني ابحسدها
والله يابنات تمن علينا بالريال اذا دفعت في اغراض البيت او تسديد النت
تجلس تمن علينا وانا لي وقفات معكم وانا سويت وانا وانا
وتاكل وتشرب في غرفتها وتجمع المواعين حق ٤ او ٥ ايام وتحطهالي ع المجلا وانا اكون منظفه وملمعه
ولو كلمتها قلت غسلي مواعينك تجلس تصيح وتسب وتقذف وتسوي مشاكل
صرت اغسل وانا ساكته كأني شغاله
قبل شوي جلست تصيح باعلا الصوت
يالعانس ياللي عمرك ٥٥ سنه
عندك مشاكل سن اليأس
لو انك صاحية كان تزوجتي وعندك عيال كبري
رغم مابيني وبينها الا٩ سنوات
وترفع صوتها عشان زوجة ابوي وعيالها يسمعون ويضحكون علي
عشان عندي ضروس عقل مطمورة يحتاج لها عمليه واشتكيت لها منها قبل فترة
والبيت مليان عمال وتصيح باعلا الصوت وابوي بترجاها تسكت فشلته من العمال
رغم اني انخطبت اكثر من١٥ مرة بس ماكنت اقبل عشان اقعد معهم واربيهم بعد انفصال والدتي
ودايم تصيح وتعايرني بهالكلام خاصه قدام ابوي وزوجته وعيالهم
وانا والله مارديت عليها بشي عشان ابوي مسكين احتراما له ويتضايق من المشاكل عنده سكر وضغط
وبعد كل هذا الي تسويه تروح تبكي عند اخواني وتسوي مظلومة وتتحسب علي
واني اسبها
ومخربه عيشتها
وانا ماقلت الا ليش تاخذين شي ماهو من حقك
ادافع عن حقوقي
بس
وللعلم هي عضوة معكم هنا وعايشة دور المثااااليه
حسبي الله وكفا
كيف اتعامل معها ومارأيكم؟يشهد الله ماكذبت بكلمه
صرت افكر اطلع استاجر شقه
لان الحياة معها ماتحتمل
حتا السواق الاول جلست تسوي معه مشاكل لين سفرناه وقطعت رزقه
والحين قاعدة تسوي مشاكل مع السواق الثاني وناوية تقطع رزقه وهو ابو عيال مسكين
هي مرة تعشق الماديات والريال عندها اهم من امها وابوها
واي احد يتكلم معها او يتقرب منها تفكره يبي منها فلوس
شاركي في النقاش
سجلي الدخول لإضافة تعليق.
التعليقات
14- جربتي تشغلي الرقيه بالبيت ؟
يمكن بينكم حسد
اذا مجربه ولاتغير شي
خلاص اطلعي شقه لحالك
وحتى لو سمعتي منهم كلام جارح عشانك طلعتي
ماعليك ولايهمك احد
اهم شي راحتك وصحتك - حبيبتي وضعكم ماهو طبيعي استهدوا بالله وارقوا نفسكم ممكن عندكم حسد خاصة انك تقولين ربيتي اخوانك تحملوا بعضكم الدنيا مو دايمة لاحد وما بتجلسوا مع بعض قد ما جلستوا بكرا تتزوجوا انتو الثنتين وتشتاقون لبعض وتندموا على المشاكل الي كانت بينكم هي اختك وانتي اختها ومالكم غير بعض ولا تخلوا الغربا يشمتون فيكم يوم تتعاركون مع اي احد حتى لو من اخوانكم الرجاجيل بيول لكم انتو خوات وما تحملتوا بعض من بيتحملكم ادري انك واقع عليك العبئ الكبير والظلم الاكبر لكن معليش تحملي ولك الاجر ان شاء الله واذا على العنوسة انا وخواتي كلنا تزوجنا كبار اصغر واحدة فينا فوق ال 35 بسبب الدراسة والحمدلله تزوجنا عزاب من اعمارنا وافضل مننا ما كنا نحلم بمثلهم العمر مو مقياس واذا هي تقرأ ردي الحين اقول لا رسول الله صلى الله عليه قال (لا تشمت بأخيك فيرحمه الله ويبتليك ) معايرتك لاختك بالعنوسة ممكن تكون سبب زواجها وعنوستك انتي وان شاء الله تفرحوا انتي وهي وترا صلاح ذات البين سبب من اسباب الرزق اصلحوا بينكم وحبوا بعضكم يفتح الله عليكم بالزواج والوظايف معاملة بعضكم بالحسنى خير لكم من الصيام والقيام وانصحك لا تتأثري ولا تحرقي دمك بتدخلين في مشاكل توتر واعصاب وهرمونات ومشاكل بشرة وشعر الدنيا ما تستاهل فرحي فسك بالامل وقولي الي شفته بهدله بشوفه بكرا دلع ودلال (ان يعلم الله في قلوبكم خيرا يؤتيكم خيرا مما اخذ منكم ) شغل البيت حاولو تقسمونه جدول يعني حمام لك وحمام لها واحدة تطبخ الثانية تغسل المواعين وتنظف المطبخ واحدة تكنس والثانية تغسل الملابس وتكوني واليوم الي بعده العكس احنا لما كنا في بيت اهلي امي كانت مقسمة الشغل كله جدول واذا رفضت وكلي امرها لله واشتغلي بالي تقدرين عليه واتركي الي ما تقدرين عليه وادعيلها ولا تدعين عليها اذا قالت لك يا عانس قولي اللهم ارزقني وارزق اختي ازواجا صالحين واذا قالت لك يا عجوز قولي اللهم ارزقني وارزق اختي شباب وجمالا جدتي كانت تقول (عمل الخير في الشر برهان )
ام اماآسي جربتي تشغلي الرقيه بالبيت ؟ يمكن بينكم حسد اذا مجربه ولاتغير شي خلاص اطلعي شقه لحالك وحتى لو سمعتي منهم كلام جارح عشانك طلعتي ماعليك ولايهمك احد اهم شي راحتك وصحتك
ياليت ينفع معها
ماينفع والله ياختي لارقيه ولاغيره
قلبها مليان غل وكرهسعيدة دنيا واخرة حبيبتي وضعكم ماهو طبيعي استهدوا بالله وارقوا نفسكم ممكن عندكم حسد خاصة انك تقولين ربيتي اخوانك تحملوا بعضكم الدنيا مو دايمة لاحد وما بتجلسوا مع بعض قد ما جلستوا بكرا تتزوجوا انتو الثنتين وتشتاقون لبعض وتندموا على المشاكل الي كانت بينكم هي…
جزاك الله خير
ع كلامك الطيبالمشاركة المقتبسة غير متاحة.
مو سالفة مذله اختي الغاليه
انا اكبر عقلي واتعامل مع الناس بحسن نيه واحب اخدم واساعد واللي بيدي ماهو لي
للناس
ودايم افزع واساعد سوا لاهل البيت او برا
واخذ بالشبشب وانتم بكرامه
صعب اغير طبعي واصير مثلهم خبث وحقد ومكر
وهذا ماهو مدح لنفسي بالعكس اعتبره عيب كبير جدا وعجزت اغيره
اما النظافه
ماقدر اقعد بمكان وصخ طبعي احب النظافه والترتيب
تلقيني طول اليوم انظف واروح غرفتي ارجع بعد نص ساعه الاقي كأن كان فيه عزيمة في البيت
حتا كوب شاهي تسوي
القا كل رفوف المطبخ سكر مرشووووش
والشاهي منقط علا البلاط
والقرف والمواعين تطلعها من الغرفه تقعد بالايام وفيها اكل
يصير ياااابس وتحطهالي بالحوض
وياويلي لو تكلمت وقلت ليش!!
علا طول سب وشتم وتبدا تبكي وتصيح واني شريرة ومخربه حياتها
شيئ لايحتمل
لو اوقف يوم تنظيف طلعت الصراصير والفيران وربي
مواضيع مشابهة
تابعي تجارب أخرى من هذا القسم.