فهمتك يالغلا انت تعانين من عدم الاستقرار الروحي وماتحسين بالامان مع زوجك بالاظافه الى انك فاقده اشياء اساسيه في تربيتك من الصغر تخليك تكوني قويه انت مهزوزه داخليا وهذا يجعلك مظطربه وتعانين لانك شايله الحمل كله على اكتافك بدون ادنى اهتمام من الغير وظغط الاطفال زاد الطين بله وتجاهل زوجك جعلك في هذه الحاله
اهم شي في الحياه الاستقرار الداخلي والامان فيه ناس عندها كل شي ولكنه تفتقد الامان الداخلي والاستقرار عشان كذا تلاقينها مظطربه
وشعورك تجاه صديقتك طالما انه يخلو من الحسد المحرم فهو شعور طبيعي تبقين تكونين مثلها والكل يبغى يكون مثلها صديقتك توفر لها اولا واخير التوفيق من الله ومن ثم عامل الامان والاستقرار النفسي من ناحيه وجود الاهل ترا الغربه شي عظيم ويكسر الوحده والعامل الاهم زوج اشعرها بالطمانينه والاستقرار الداخلي والخارجي وشال معها المسوليه هذه اكبر نعمه ينعمه الله على المتزوجه الله يبارك لصديقتك وكثره الاطفال مومعناته انه لازم يكون تكون مظطربه لانه يمكن كثيرين بس فيهم هدوء وعقل ورزانه لانهم عاشوا في جو مرتاح فطلعوا هادين فخفف عنها مسوليتهم انت عندك اثنين بس متعبين وهذا دليل انه مو شرط القله والكثره في الامر انه يجعلك هاديه
ومع كذا صديقتك ابتلاها الله بطفلتها المعاقه هذه في حد ذاته لازم تعرفين انه الانسان مهما امتلك فهو مبتلى لكن
لانها عندها مقومات الاستقرار الداخلي والخارجي وتوفيق من الله جعلها في مثل هالصبر على ماصابها والرضى ومشت حياتها على ماهي عليه
فاللي انت عليه ماتنلامين فيه بس اهم شي اهم شي لاتحاولين تقسين على نفسك وتلومينها حاولي حاولي بقدر ماتقدير انك تستعينين بالله على ما ابتلاك واحتسبيه انه تكفير لذنوبك ورفعه لدرجتك لان الله اذا احب قوم ابتلاهم اعتبري هذه محبه من الله وقربه منه وتحاولين تزرعين في نفسك الرضى الداخلي عن الله عشان تتغلبين عن كل مايواجهك في الحياه وباذن الله بيعينك ويقويك ومصير اولادك يكبرون اهم شي اهم لاتكثرين اطفال اذا فاقده الامان الروحي والجسدي والمعنوي عشان لاينشئون مثل نشئتك حاولي انك تغيرين لان الله لايغير مابقوم حتى يغيروا مابانفسهم فاستعيني بالله على تغير حياتك للاجمل بالرضى عن ماكتبه الله والدعاء بانه يعينك في الحياه كلها
واذا انت موظفه فهي نعمه نعمه يفتقدها الكثير حاولي ان تكون وظيفتك مصدر سعاده بانك تمتعين نفسك واولادك وتغنينهم عن كل شي حتى لو قصر زوجك فوظيفتك هي مصدر امانك بعد الله فاستمتعي بها وانظري لها بشكل ايجابي انه في غيرك ازواجهم مثل زوجك ويشحتون منهم ليل نهار مصروف فالله اغناك من فضله فاستمتعي بما وهبك الله به واشكري الله اتمنى لك حياه باذن الله مع الله اجمل واحلا
وش الفرق بيني وبين الام الرايقه
متابعة النقاش، صفحة 4