كلكن تعالن هنا😡😡😡😡

😂😂😂


انا ماشفت الموضوع وين ومتى

رفع

حبيت عفويتك :)


ماشفت النموضوع الي تحكين عنه
لكن من دونه عارفة حقارة بعض الحريم وكرهها الخير لغيرها
واساسا بديت اقتنع ان هالنوعية في شي بداخلها غير سوي يخليها
تقدس الرجال لدرجة انها ممكن تعبي راسه على زوجته
انهدمت بيوت بسبة هالنوعية من الحريم المريضات
ولا في وحدة صاحية تقول كلام ماتفهم وش تاثيره ؟؟!
الله يعينك على العضوات وهجومهم

يا سلاح رشاش من عنوان الموضوع (كلكن تعالن هنا ) احس بتعطيني كف او اطلاقه من سلاحك الرشاش ههههههه وسعي صدرك
انا كان ردي وسطي وهو الرد الي بعطيه لاخوي لو سألني نفس السؤال وبعطيه لصديقتي او اختي لو انها مرت بحالة طفش مع زوجها وهذا كان ردي نسخته هنا عشان ما تظلمينا
(
السلام عليكم
اولا اخي بارك الله فيك على اهتمامك بمشاعر زوجتك
ثانيا الموضوع اسهل مما تتخيل بدل تكتب عندنا هنا روح لها هي وقل لها يا فلانة انا ما تزوجتك الا محبة فيك وما ابي اكون سبب في تعاستك والله اني مهموم بسبب طفشك وكل ما شفتك زعلانة او شفت صور الواتساب حقك قلبي يتالم عليك وماني عارف ايش اسوي عشان اسعدك وقل لها ترى لو عشتي في جو الكآبة واستسلمتي له اولادك بتجيهم كآبة مثلك والشيطان بيدخلك من كل باب ويخليك تكرهين حياتك وبيتك رغم انه مو ناقصك شئ من الله الزوج عندك وغيرك عوانس الولد عندك وغيرك ما عندها والبيت والمصروف عندك وغيرك فقير احمدي الله على نعمه عشان لا نتعاقب بزوال النعمة لا تهددها ولا شئ مافي افضل من الرفق واللين خاصة مع اهل بيتك يمكن هي صغيرة او قليلة خبرة بعض الحريم حتى لو كبيرة ما عندها خبرة ولازم لازم لازم تشغل لها تفكيرها بأي شئ لازم تلقى لها وظيفة او دراسة وانت كل ما دخلت عليها قل لها ليش فاضية طول الوقت اشغلي نفسك بشئ ثقفي نفسك تعلمي شئ جديد استفيدي من صحتك وشبابك بشئ يفيدك ويفيد اولادك يعني حط اللوم عليها بلطف عشان تحس انها مقصرة في حق نفسها وان اسعاد نفسها وظيفتها مو وظيفتك ما هي طفلة عشان تكون مسؤل حتى عن مزاجها عاملها بلطف لكن في نفس الوقت حسسها انها مقصرة في حق نفسها لانها مو قادرة تبتكر لنفسها شئ يطلعها من الجو الي هي فيه وكل شوي اسألها ايش جالسة تسوين اذا قالت لا شئ قول لها عشان كذا طفشانة لانك ما تسوي شئ جالسة تفكري وتتوهمي وعايشة في الاوهام الين يجيك وسواس قهري من الطفش
وترا عندي اخت موب صغيرة عمرها 25 سنة صابها الوسواس القهري من الفراغ والطفش وصارت تكرهنا كلنا بدون سبب خوفها انه بتجيها حالة كآبة اذا ما طلعت نفسها من جو الطفش وان المسؤلية تقع عليها هي وهي من المفروض يدور شئ يشغل باله مو انت واقلب الموضوع عليها يعني حسسها انك متضايق من فراغها ووقتها المهدور بدون فايدة وانك متضايق من طفشها بس بدون ما تعلي صوتك ولا تتعصب عليها يعني ما تسولف معاها حسسها انها مملة بدون ما تنتقدها واذا قالت طفشانة او كشرت في وجهك اطلع برا البيت واتركها خلها تحس انها صارت مملة وانه انت الي طفشت منها بدون ما تذكر لها الشئ هذا صراحة وبدون ان تنتقدها او تجرحها بالكلام واذا صارت تشتكيلك من الطفش لا رد ولا تناقش اتجاهلها وبين بملامح وجهك انك انت الي طفشت من شكواها وانه صارت مملة ما تنطاق وانه صرت تحب تجلس مع اخوياك افضل يعني مثلا اذا قالت طفشانة اتصل بجوالك بواحد من اخوياك وقوله فلان اجيك اغير الجو عنك احس اني محتاج احد اسولف معاه ونفلها ونفك التكشيرة ما لي في الكآبة وما احب جو الكآبة
خليها تحس انك طفشت عشان تحاول تبذل جهدها انها تخلص نفسها من الحالة الي عايشتها لان زوجتك هي حالة من اثنين اما انها مدللة زيادة من جانبك انت وبالتالي تبي تمشي افكار عندها عليك يعني مممكن تبي تنتقل من المكان الي انت فيه او تبي تسكن جنب اهلها وجالسة تمثل عليك عشان تشفق عليها او انها ضعيفة شخصية ومو قادرة تتأقلم وفي الحالة ذي الشدة الناعمة مطلوبة لان ضعاف الشخصية دائما مترددين ويحتاجوا انه احد يضغط عليهم عشان يتخذو قرارات ناجحة بالظبط مثل ما الاب يضغط على ابنه عشان يدرس الي ما يعرف مصلحته من نفسه تلزمه بعض الشدة لكن مو المبالغ فيها
وعلى فكرة انا امي كانت دائما متعلقة بأهلها ودائما تسب حياتها وتقل ليتني ما تزوجت في غربة وبعيد من اهلي رغم ان والدي الله يرحمه عيشها في نعيم ورغم ان ديرة والدي وعيشته احسن من خوالي مليون مرة ورغم ان امي ما كانت سعيدة في بيت اهلها وما ذاقت الدلال الا عند والدي وضلت على حالها ألين ماتوا كل اهلها ما باقي من خوالي الحين الا خالة واحدة وامي عمرها ستين سنة ومازالت على حالها هذه حالة مستعصية اذا ما ساعدتها انت بذكاء ما بتطلع منها ابدا
ان شاء الله تكون فهمت قصدي وما تشد على زوجتك ولا تغلظ عليها لكن حسسها انها صارت مملة وانك صرت تتهرب منها وتبي بس تروح لاحد تحس معه بالسعادة وقتها بتنتبه لنفسها)

بيض الله وجهك ،، قلتي اللي بقلبي

قاهراتني فعلا وبالذات هاللي اول رد اوثاني تقول له هددها بالثانيه توها ما استنفذت حلول عشان توصل لهذي النتيجة ،، فعلا حسودات ،،
طبعا مو الكل فيه بعضهن ردودهن محترمة