مين اهلها اجبروها على شخص ماتبغاه وصار خيره لها

السلام عليكم
وصباح الخير
بنات مين فيكم اغصبوها اهلها على رجل ماتبغاه وصار لها خيره من الله والي تعرف قصه حول ذا
الموضوع تقولها
..........
اختي غصبها ابوي على واحد وهي تنتظر ولد عمتي ومتوهمه انها تحبه لانهم من كانو صغار فلان لفلانه
وعمرها وصل 25 وهو مافكر يملك حتى ولاخطب رسمي اخر شي ابوي سأل عمتي إذا عندهم نيه ولا لا وقالت فلان ماهو يم الزواج زوجوها بس
.
وهي تفكر فيه وماتبي غيره
.
ويوم الإثنين جونا ناس يخطبون والبارح ابوي غصبها على الشوفه الشرعيه
ووافق هي وهي كارهته
.....
نصحتها قلت والله لو الرجال شاريك كان جاء طنشيه وعيشي حياتك عمرك راح والي باعك بيعيه وخليك مع خطيبك الي جاك لحدك
.
الي انغصبت او جاملت على واحد ماتبيه وصار لها خيره فيه تقولها
.
وقولو نصايحكم راح ارسلها موضوعي

28 تعليق 12,477 مشاهدة

شاركي في النقاش

سجلي الدخول لإضافة تعليق.

التعليقات

27
  1. @aml_myt

    خواتي ثنتين ماكانوا مقتنعين بأزواجهم بس ما شاء الله حياتهم زينه
    لابد من النواقص و المنغصات لكن بشكل عام الحمد لله
    رغم إن وحده منهم ما زالت تذكر آخر ثلاث ليالي قبل عرسها كيف ماتت صياح لأنها مو راضيه فيه و سبحان الله طلع أزين أزواج خواتي ما شاء الله
    و الثانيه ما شاء الله زوجت بنتها العام

    قولي لأختك تستخير و اللي فيه الخير بيكون
    الله يكتب لها و له الخير
    و لا تضيع عمرها ع كلام طفوله لأنه لو كان يتم ع أساسه شي ما كنت للحين ببيت أبوي
  2. تفسخ الخطبه
    لاتندم بعدين


    الاب له الحب وكل الاحترام
    بس الزواج مايكون الا برضى البنت حتى المشايخ يسالها
    حنا ماعندنا اجبار على الزواج في جماعتنا
    بس يمكن بعضهم الحاح وتطنش البنت
  3. @bnt_alsltan_77

    اختي كانت معلمه وتقدم لها شخص عاطل واخواني رافضين وقالو داخل على طمع وكان ابوي الله يرحمه يعرف الشخص ويشوفه معاهم في المسجد
    وغصبها عليه وقامت حرب عائليه بخصوص ذا الموضوع ماهو من قبيلتنا وماهو موظف بالاخير صار الزواج غصب عن الكل
    زوجها توظف بعد سنه من زواجهم
    وكانت اختي تروح مع نقل هي وزميلاتها وبعد اربع سنوات زواج صار انقلاب لهم وانشلت اختي وصارت على كرسي متحرك
    ومعاها ولد وبنت منه والان ممنوعه من الحمل اختي بعد الحادث حالوها لتقاعد وتقاعدها جدا بسيط
    الان هو من يركبها السياره وينزلها ويسوي عباتها ويسوي الدعاسه حقت العربيه ويسوي نعولها
    حادثهم صار قبل 9 سنوات وهي متزوجه صارلها 13 سنه
    الان كلنا ندعي لبوي الله يرحمه وعرفنا حكمته ان الرجل الصالح لايمكن يرد مهما كانت ضروفه
  4. @aal_nyaty_5

    الحياة ربي كاتبها لك ولغيرك بما فيها من خير وشر
    ف يمكن الزواج بالعصب يكون خير ويمكن العكس هي ارزاق وحظوظ بالدنيا لأختبار العباد .

تابعي تجارب أخرى من هذا القسم.