رعب ..رعب ..رعب مواقف مرعبه الجزء ٣..

بسم الله 😕
موضوع جميل سجلت عشانه
اذا تذكرت موقف برجع اكتبه لي مواقف بسيطة مرعبه بس انا في الدوام هههه مااقدر اعصر مخي 🧐
تحياتي لصاحبة الموضوع🤩🤩

ننتظرك..ومرررحبا بك
وننتظر قصصكم عااارفه عندكم قصص اتشجعوا واكتبوا😍

أحلى سلسلة ياعالم طيب خنقولكم سالفة سمعتها ولا أدري إن هي صدقية ولا لا يقولكم

هذا واحد تزوج وحده من برا وجتهم بنية (عاد المعروف عندنا لازم مهاد للبزر لا وزمان كانوا بعضهم يحطون سكين تحت الفراش عشان ماتقربه الجن) نرجع للسالفة المره ذي ماكانت تمهد بنتها بعد فترة يوم صارت البنت تحبي لاحظ أبوها إنها تاخذ بيالة ثماً تحبي وتكسرها عند بلاعة المطبخ وكل مرة يتكرر ذا الشي راح وسأله واحد قال أبد بنتك مهيب بنتك بنت الجن انهبل الأبو وش الي يقوله ذا ويسافر لواحد ينقاله شيخ (والأكيد إنه مهب شيخ)قاله إن ودك تتأكد دهن غرفة بنتك بماء ورد وعطرها وقفل الباب على بنتك يوم كامل وخلها لو تصيح لاتجيها طبعا رجع هذا الرجال لم زوجته وقال كذا كذا كذا وعيت لكن ماطاعها وسوا ماقاله ذاك الرجال والبنت داخل الغرفة تصيح تصيح لين ماعاد اسمعولها حس ويوم جا من بكرا ويفتحون الباب مالقوا البنت. انتهت القصة
عاد يلا عطنا توقعاتكن على صحة القصة
عني الله أعلم لكني عجزت أصدقها

ممكن صحيح
لأن زمان قصص عجيبه جدا مو مثل زمننا هذا 😕

لا ياقلبي عيالي مالمسوه لانهم نايمين وقت مانمت ووقت ماصحيت ماتحركو من سرايرهم
بسم الله احس فيه شي غريب حواليني مدري ايش هو واحيانا تتحرك الاشياء وتطيح
مره عندي موية جيك كبير 5 لتر مقري فيه حطيته ع طاولة المطبخ بنص الليل سمعت خبطة قوية لقيت الموية طايحه ع الارض
مع انها مليانه مويه ومستحيل تتحرك لكن الله اعلم