تعبت من تغير الحال .. شورو علي خواتي

انا متزوجة منذ 5 سنوات والحمدلله زوجي واهله علاقتنا ممتازة وعلى قد ما انا جيدة معهم اخذو من عيلتي صبيتين للاخوة زوجي ..وحدة منهم طلعت بنت حلال ومنيحة معي بس الثانية لئيمة جدا الله يهديها بتظلها تنافس فيا ومعاملتها سيئة معي وبتظل بترمي حكي علي وتنتقد كل شي بعمله بس بشكل مبطن ودايكا تحاول تبينلي انو اهل زوجي بحبوها اكثر ومابخلو شي الا بجيبولها اياه هي وابنها صراحتآ بالبداية كان اهل زوجي ملاحظين غيرتها بس صرلهم فترة متغيرين علي كثير ولا الي اهمية عندهم مثل اول اقعد او اقوم ماتفرق لا الي ولا لزوجي ولا لطفلتي صار كل شي بايديها وكل شي الها هي واهتمام مش طبيعي من كل النواحي لدرجة انو انتسينا تماما انا مش زعلانه بس الي بدايق انو انا منيحة وبعمل مثلها واكثر وحتى هي اكثر من مرة سمعو عنها حكي مش منيح وانها تجيب سيرتهم بالعاطل وهذا الي مجنني شو هالسر الي قلبهم 180 درجة ..الله يهديهم جميعا .. شورو علي صبايا شو اعمل كيف أتصرف مش حابه اخسرهم كثير هالموضوع كاتم على نفسي