اش الحل مع زوجه اخويه

تمسكها من شوشتها وتجرها للمطبخ 😂
استغفر الله
من جد ايش هذا امك ماهي ملزومه تنظف وراها
وقولس لها ي فلانه نضفي حوستك
واذا مانفع شيلو مواعين امك الكشخه وجيبو سفري
وامك من تخلص من مواعينها تضبها
الله يعينكممم

يابنات انتبهو لا تحملون نفسكم ذنوب بأحكامكم العاطفية المخالفة لشرع الله ،،، الموضوع ماهو موضوع عاطفي وحنية على امه او زوجة ابوه ،،
الموضوضوع حقوق شرعية كما قسمها رب العالمين ..
كل وحدة تفتي وما اسهل الفتاوي على الالسن ،، اللي تقول طالما امك كانت عايشة في البيت قبل يموت ابوك فهو بيتها وماله حق فيه
واللي يفتون بإختراع خطط لإحراج زوجة اخوها وفضح قذارتها امام رجال العايله ،، وكأنها حلقة اخيرة في مسلسل درامي ،، ماحسبو حساب لعلاقتهم بأخوهم وصله الرحم ويتعاملون بنفس طريقة زوجة الاخ المستفزة ،، طيب اخوها وش ذنبه ساكت ولا طالب بنصيبه في البيت رغم حاجته له وتاركه لزوجة ابوه


كونو واقعيات ،، وحكموا شرع الله ان كان عندكم فقه في الدين .. او اسكتوا وماله داعي استثارة صاحبة الموضوع وتشتيتها فوق ماهي محتارة ،
نوروها بشرع الله ،،
يا اختي يا طالما البيت كبير وماله داعي امك تستمر قي بيت كبير عليها هي لحالها ساكنه فيه ،، والورثه مجامليها وساكتين لا تنتظرون يجي مشروع واصلا تعويضات الحكومة ماصارت زي اول جزله وراهية ابدا التعويض نفس سعر بيعه في السوق العقاري ،،
بيعو البيت ووزعوا الورثة بشرع الله وخذو لأمك شقة صغيرة في عمارة لها جيران وبلاش الضغط على اعصابها بتحمل زوجة اخوكم اللي ما عمدت لهذا التصرف الا لتستفزكم وتقنعكم ببيع البيت ،،

يا اخوات حطو نفسكم في مكان هذا الاخ اللي يبني بيت وماعنده ما يكمل به البناء واضطر يسكن في بيت ابوه هو وزوجته وعياله مع زوجة الاب ليوفر قيمة اجار بيت ... لااابد يكون في نفسه يطالب بنصيبه في الييت ولكن الاحراج منعه .. عاد تصرف زوجة الاخ المستفز هذا حسب اخلاقها وادبها ما يمنع من ان الاخ له نصيب ولو قليل


تصالحوا بالمعروف واكتفوا شر زوجة اخوك بإعطاء كل ذي حق حقه ،،، واقل مافيها اذا الاخ فعلا متنازل عن حقه ومضحي انكم تجيبون شغاله لأمك وتجاهلو استفزازات زوجة اخوكم يكفي ان اخوك ساكت عن حقه في البيت ماله داعي تدفعونه رواتب الشغاله

لا حول ولا قوة إلا بالله.....ياشين الضعف....امك مو ملزومة تخدمها .... صراحة وضع مزري ماعليه سكوت لا رضي الله ولا خلقه

اللهم صل وسلم وبارك على نبينا محمد

طيب برأيك انت كيف يحلو مشكلة قرف مرة اخوها؟؟
اعطيها حل لو انت مكانها تكوني نظيفه وعايشه معاك وحده زيها كيف حتتصرفي ايش الحل؟