عندما يكون زواج المسيار هو الحل

زواج المسيار معروف لا ايش على اسمه مستحيل يتغير مفهومه
🎀

اهم شي تكون متفقه معه وجماعتها يدرون والتوفيق من الله ياما بنات خذوا شباب ماتوفقوا وخذوا مسيار وتوافقوا الله يكتب لهن السعاده

زواج المسيار اللي اباحوه العلماء هو الزواج اللي يكون مكتمل الشروط لكن تتنازل الزوجه عن بعض حقوقها مثل النفقه والمبيت لكن يشترط فيه الاشهار وعدم الزواج بنية الطلاق
اما مانشوفه الآن من بعض الرجال انه يتزوج بالسر ويدخل وهو ناوي عدم الاستمرار بهالزواج ويشترط عليها عدم الانجاب فهذا الزواج غير مشروع ولا يجوز وبعيد كل البعد عن مااحله الشرع واقرب مايكون لزواج المتعه
وكلامك صحيح هالنوع من الزواج ممكن يكون مطلب وفرصه لبعض الحالات اما ان تكون ارمله او مطلقه ومكتفيه ماديا وعندها اولاد لكن تفتقد وجود رجل بحياتها اوانسانه متكفله بوالديها الكبار بالسن وماتقدر تتزوج وتتكرهم وبنفس الوقت تحتاج للزواج تعف نفسها وتنجب اطفال قبل مايروح عمرها وحالات كثير تحتاج هالنوع من الزواج ومااشوف فيه اهانه اذا كان فيه اشهار لان التنازل عن المبيت برضا المرأه بناءا على ظروفها

الله يسعدك ويحميك
احبك والله❤️❤️

انتي فاهمه المسيار غلط
المسيار يعني يسير عليها يشبع نفسه بالفراش ويجيها متى ماحب بدون أي إلتزام مادي او إلتزام بالمبيت والمعاشره وبدون سكن ولا كسوى يعني هي تشيل نفسها بنفسها وهو عليه بس ينام معاها
يعني زواج بلا أي حقوق وفيه امتهان وابتذال لكرامة المرأه
وكل اللي يتزوجون مسيار بالدس والسر مستحيل تلقينه معلن او اهل العريس عندهم علم فيه ولا عمري سمعت أحد حضر زواج مسيار هذا يدل انه مجرد تحليل للعلاقه
وغالباً المسيار للتسليه والرجال ماله رغبه بالانجاب ولا الاستقرار والاستمرار في هذا الزواج متى ما كشفته زوجته سحب عليها وجحدها .
واللي فعلاً لها رغبه بالزواج وانها تبقى في بيت اهلها تتزوج زواج شرعي معلن بكامل حقوقها وتشترط ان الزوج يسكن معها في بيت اهلها وتسعى هي واهلها في انها توفر طريقه مناسبه للسكن سواء شقه في الدور الثاني او الثالث بنفس البيت او تسكن قريب من اهلها بدون لا تهين كرامتها وتتنازل عن حقوقها اللي ماراح تحس بقيمتها الا بالمستقبل