مواقف يوم الولادة او البنج 😣😣😣😣

بالمختصر طولت ماولدت وضعف نبض الجنين ونقلوني لغرفه العمليات زاد عليا الطلق وكان فيه ممرضين سعوديين وصراخ قلت خلاص طلع البيبي وتحي الدكتوره واولد

انا ولادتي الاولى كانت قبل سنتين وكنت ناسيتها ومو خايفه ابداً وحامل دحين فالشهر الخامس احس بابكي من المواقف الي قريتها خوف من الولاده مدري ايش دخلني هذا الموضوع 😢💔

الله يسهلها عليك
وتقومين بالسلامه انتي والنونو 🙏🏽

يوم ولادتي بولدي اتنومت شهر ونص يستنو الرحم يفتح ومافتح سبب تنويمي الطلق كان قوي معاي والجنين حركته قليله كنت بكريه ولما دخلت التاسع بدو يعطوني تحاميل طلق صناعي بيومين 3 تحاميل وبعدين سوو تحريض والرحم مافتح بعد التحريض الا 2 وبعدين جاء الاستشاري بعد التحريض كل يوم يسوو لي وقال يووو احنا كيف ماكتشفنا ان حوضك صغير مستحيل تولدي الا عمليه قال اذا صايمه دحين نولدك قلت لا توي افطرت قال اليوم صومي من بعد الساعه 9 الليل لاتاكلي شي المهم فرحت اني ابولد وابرتاح من المستشفى شهر ونص وانا عندهم وصمت من 6 المغرب من فرحتي ولما اصبحنا استنى الدكتوره جات الساعه 10 قالت من متى صايمه قلت من 6 المغرب قالت انا اليوم مااقدر اسويلك تعبت من العمليات قالت خلاص مادامك صايمه من بدري ابسويلك عمليه المهم يوم اخذوني للغرفه جاتني خلعه ونفضه وبس ارتجف من الخوف ولما شفت الدكتوره اللي بتولدني دوبا وسمرا خفت وقالت انا مااقدر اسوي عمليتها تكلم الممرضات ولشوفها تتصل على دكتور تطلبه يجي يساعدها تقول انا تعبانه مااقدر وجاء ولما جاء وقت التخدير خيروني بين الكامل والنصفي وبعد كلام الدكتوره اخترت النصفي وجلست ابكي وارتجف واقولهم خايفه من الالم الابره وخايفه انو يجيني شلل لاني ارتجف والحمدلله ولدت ع خير لكن الابره اثرت فيني بسبب الم الظهر مستمر معاي

هههههههههههههههههههههههه احسن مني سلمتهم نفسي وندمت عد شعر راسي