بنات زوجي ملك ذبحني وانا حيه

عاد والله من زينه ... ومن زين اخلاقه هذا المفروض انتي مزوجته من زمان وغلفتيه وعطيتيه الثانيه هديه ...
انتي معطته فرق حجمه وهو غير مسؤال وغير معتدل ومقصر معك ...
باب بوجهه قفليه .. وقولي له بالحرف الواحد فااااااااارق من زينك ومن زين أخلاقك وانا جالسه لعيااااالي .. اما انت متنازله عنك لزوجه الثانيه حتى ليلتك خليها تاخذهااا ..

ليش حرام ننصحها بالطلاق الطلاق مشروع اذا وقع الضرر
انا ماكتبت شي الا ادري اني محاسبه امام الله
الحرمه كانت تطبخ لاهله واخوانه وتخبز لهم
وجازاها بالطلاق ورجعت بدون قدر
وتطبخ لهم وهي زعلانه وحتى اخوه يرسل لها وش يبي فطور واخوه مطلقها
يعني الكل مستهين فيها لا هو ولا اهله بالله موب شي يقهر
اسكنت البيت وكل ماجت تبي رايها بالبيت هاوش وسب وذلها
والضعيفه تحسبها محسودها ع البيت والبنات هنا يقولون حصني بيتك وهي تشغل البقره وهو يطفي
ضعيفها اوهمت نفسها بالحسد عشان تلاقي عذر لتصرفاته واسلوبه الجارح
الموضوع مو زواجه عمر الزواج الثاني ماكان نهايه الحياه بس بوضع ام الوليد
نهايه حياتها لانها بتجلس تقارن ماتقدر تصد عن الرجل حياتها كل هو وهو حطمها من اول وكمل عليها بزواجه
نست كل الردى منه وبدت تتكلم عن الزواج

كل افعاله اول توضح انه مايبيها كتبنا وقلنا والله ما اعدها الا اخت
بس شخصيتها ضعيفه لا تقوي شخصيتها وتتخلى عنه كسرها اول يوم خلها خدامه لأهله والحين بيحيب ست الحسن تشرف قدام الكل ويسافر بها والضعيفه تاكل بعمرها

ياشيخه اتركيه اذا ماتبين الطلاق روحي لاهلك فتره استشيرهم علميهم لا تقولين مابي اخرب بيتي بيتك خربان من بدا يسب ويهين وانعدم الاحترام وبيت واستقرارك ضايع
هو ولد عمك علمي ابوك اخوانك وقرري
اذا بتقولين يعدل اتحدى يعدل هو مااخذ رايك وانتي وحده بحياته كيف عنده ثانيه
لاتقولين انا جميله الرجال يدور الاسلوب والحرمه القويه اللي ماتنقاد
بالاخير حياتك لك والتعب عليك والهم لك والرجال بيعيش يحياتك وانتي بتجلسين تذكرين الماضي وش قدمتي له وش حطتي ولت انتي ماخذه ولا موقف
اللي اقوله تراك محاسبه ع نفسك ظلمتيها كثير
رجال ما انصفني
انا انصف نفسي الحمدلله بكامل قواك العقليه وقادره تتخذين قرار بس اتركي عنك تكرار الحكي اللي ماجاب لك نتيجه

يازينك ويازين كلامك ودي اسمع كلام يكرهني فيه هو زواجه تحدي لي وطناخه عند المجتمع اللي حولي واصدقائه اكثرهم معددين بس كإني جبل وهدني عاد بالمجالس تعزيز اكيد يفتعل معي مشكله ولا يقدر يحلها كنت اقوله تعال نتفاهم انا تعبت من المشاكل يقولي احل مشاكلنا بالزواج ويوم كلمته قلت راح تندم قال الله واعلم اندم ولا لا
انا مغبونه انسان ماوفاء لي مثل ماوفيت وزواجه اثبات لنفسه بعد ماهدم ثقتي بنفسي مايبيني اشوف نفسي عليه حبي له هو اللي دمرني يوم علمني اول مره قهرني قلت وش اتحسف عليه ماشفت السعاده معك دمعتي على خدي كل وقت وجهي وزيني ذبل عندك ولوشفتك قبل اخذك ماخذتك منت من مستواي بالجمال ولا تحسبني بتحارب انا وياها عليك مره قالي مقرود اللي ماعنده ثنتين يحسب بتجمعهن راحه رميت اللي بيدي ورحت لغرفتي وانا ساكته كل مره يطري عرس مره وترني ماعشت سعاده معه بس انا قلبي يوجعني فيه شي يخطف قلبي تعبانه ودي اطلع من القوقعه اللي انا فيها لادراسه لالي علاقات قليل اطلع كان كافيني عن الناس اخذته صغيره وتعلقت فيه وهو استغل حبي وعشقي له

يترجاني يراضيني قلت انا متنازله عن كل لياليي انا مابيك وانا كفيت وفيت الحين دورها هي انا قضيت منك قال اذا عفتيني انا ماعفتك وابيك جنبي طول عمري
متشتته افكاري ومشاعري فوق هالكلام يعرس مادري وش قلبه

اذا يبيك ليش تجوز وحرق قلبك