بنات زوجي ملك ذبحني وانا حيه

مدري وش اللي صدمك بموضوع زواجه
انا صراحه لما شفت انه طلقك و انتي رميتي نفسك عليه و تطبخين لأهله و انتي مطلقه
و فوقها ما راضاك و رجعتي له بدون تفاهم او تراضي بينكم


مباشره فهمت ان ما يبيك بس يمكن تراجع عشان العيال ، و قال اتزوج
واللحين يقول ابيك جنبي طول العمر، ايضا عشان العيال
الافعال هي اللي تصدق الكلام او تكذبه


و من رأيي،،، ان زواجه مو أسوء من اللي جاك
فعيشي لنفسك ثم لعيالك، اتوقع لو عندك شي مهم بحياتك كان انشغلتي به عن التعلق بزوجك
حاولي تكملين دراسه ،تدخلين دورات، تتوظفين و اطلعي خالطي الناس و استمتعي بحياتك ترى الدنيا حلوه


وماتدرين يمكن زواجه يخليه يحسن معاملته معك

معها صادقه
طيب امه وش رايها
مابين بعينها الخبز اللي تقومين من فجر الله تخبزين لها
ياحبيبتي زوجك متكتك للموضوع زين ومنسق له زين واختار الوقت المناسب وتزوج عليك
لانه تزوج في بداية الاجازه يعني على عطلة عيالك علشان لو زعلتي ورحتي لاهلك يكون مو شايل هم مدارس عيالك
غير كذا اكيد انه بيقول اذا زعلت وراحت لاهلها بتكون عطله ولا راح يضر عيالي شي من ناحية الدراسه
وتلقينه يقول حتى لو طولت بالزعل حنا في بداية الاجازه وكل ماطولت بالزعل من صالحي انا والعروس
ولا راح يضرني شي بالعكس من صالحي
واكيد قبل رجعة المدارس بترضى وبترجع علشان عيالها وعلشان مدارسهم
يعني ظامنك وحاطك في جيبه
وعارف ومتأكد انك بترجعين
فهو اختار الوقت المناسب له من كل النواحي
فكري زين
انا لو منك والله لادعس على قلبي واخليه هو اللي يدورني
لاتكونين في متناول اليد اي وقت يبي
خلاص
لا خلي عندك عزة نفس
اجلسي في بيت اهلك حتى لو فتحت المدارس
ازعلي وخوذي راحتك بالزعل ولاتكلمينه
خليه يموت قهر خليه يفكر وش بتسوين انتي
مو هو وش بيسوي خلك غامضة

حسبي الله عليه
الله ينتقم منه الرجال بطبيعتهم غدارين
سواء اخو زوج ابن ماهمهم الا شهواتهم ونفسهم
عليك بصلاة والذكررر


والآخرة ماتجي الا بالشقاء الدنيا

حبيبتي بسالك سؤال هل مازلتي تطبخين لاهله وتخدمينهم بعد ماملك عليك ...اتوقع اجابتك نعم ...حبيبتي اارجال يحب الملكه الاميره هو الخادمه ....طيب خدمتيهم هل عزك هل حبك هل قدرك لا ...جازاك الزواج وحرق قلبك ....وبتشوفين العروس مراح تخدم احد وبتكون ملكه في قلبه وعيونه لانه يحب اللي تعز نفسها وبيجي يضحك عليك بكلمتين انتي العزيزه والخب الاول عشان تستمرين في طبخك وخدمتك لاهله لان العروس اميره مو شغاله والله مارديت عليك الا من قهري عليك واضح انك طيبه وحبيبه ومسالمه بس زوجك ماتناسبه هالشخصيه يحب القويه اللي تعز نفسها ....عموما اتمنى من اليوم تبطلي طبخ ونفخ لاهله وتبطلي خدمة اهله لو قالك شي قولي مو انتي بدلتني بوحده خلاص خل المره للجديده تستلم المهمه انا هنا عشان عيالي وبس غير عيالي مااخدم
قوي نفسك والله ثم والله ان الرجال يحب المره القويه بحكمه مش بالصراخ والصوت العالي.....لا تكون حكيمه تعز نفسها وترفع قدرها

كتبت رد بس مابرد قلبي ودي اقولك حل بس شخصيتك ضعيفه جدا ماظن تسوينه ولا والله انه ماينفع مع الرجال غيره
تروحين لاهلك وتقولين مثل ماشفت حياتك انا بعد من حقي اشوف حياتي انا جميله وصغيره والف من يتمناني ويحطني بعيونه مو مثل ماسويت فيني
انت شفت حياتك وانا من حقي اشوف حياتي وان ماطلقت بالطيب المحاكم موجوده
طبعا الطلاق مجرد تهديد له
وتروحي لاهلك وتقفلي جوالك او تغيري رقمك بالاصح وتزعلي مايقل عن سنه والله وقتها ان يعرف قيمتك وقدرك
وقتها يزيد احتكاكه بالعروس ويشبع منها ويمل ويطلع عيوبها واهله يبون خدمتها
وعيالك خليهم معاه هو وعروسته وقتها ياقلبي بس بيحس انك انسانه لك قدرك وقيمتك وقتها بس يمكن ينفذ كل شروطك للرجعه اولها ماتخدمين اهله عزايمه عند العروس ضيوقه عند العروس تقولين انا راجعه لعيالي بس
واثاث جديد من اختيارك
وان طلق فربي شرع الطلاق للضرر وانتي طول عمره مقصر معاك وحياتك زفت معاه وكملها بالزواج
ماتدرين ربي يعوضك خير منه وتشوفين حياه جديده
ولا يمكن تكملين دراستك وتتوظفين ويكون لك كيان مستقل
والله وقتها يعض اصابع الندم هو وامه واهله لان العروس مراح تخدمهم زيك بالعكس يمكن هم يخدمونها




انا حاسه شخصيتك ضعيفه وماتقوين على هالخطوه بس جت في بالي قلت يمكن ربي يهديك وتقوين قلبك وتسوين لك قدر وقيمه