بنات زوجي ملك ذبحني وانا حيه

الله يصبر قلبك
💔

اختي هذا الكلام يوم كنت عنده يترضاني يقول تحسبيني مرتاح وانتي كذا اللي يرضيك بسويه اللي تبين يبيني للعيال والكرف دامه يبيني كشخه ونيولك مو شوشتي طايره اكثر وقتي اغسل وانضف تقل فريره بالبيت واثناء مايبيني يزعجونه العيال الصغار طيب هذا مو معنى تفكر بالثانيه جب شغاله تشيل البيت عني وانا اشيلك لاشكيت من البيت قال تبين نرجع للبيت الاول كانه يقول تحملي طلبك بيت وبنيت لك بيت ولا يبي يدفع لراحتي لشغاله
الان مايكلم ولا يراسل نسيني مرسل تبين ترجعين معي مادخلت المحادثه دخلت يوم جاء ويوم جاء ماتواجهنا تقهوا نزل عياله ومشى ولا طلبني نتفاهم وكنت ناويه املي شروطي واستفيد من الفلوس اللي يتناثرن ولا يدري وين يوديهن بس مشى ولا كاني كنت بحياته بيوم
اخر مكالمه يوم ملك كنت اقول يان ياهي اختارها ويقول اقعدي عند اهلك كلمته زي يما تعفنين طيب ذي ماتزعل هالكلمه فوق عرسك وجرحك لي تقولي هالكلمه وقلت انت ماعاد لك شي بقلبي وتهاوشنا وسكرت بعدها هالرساله طفش من عياله جايب ملابسهم كلها
ويوم مشى مرسلي يدري اني دخلت وقريت وطلعت قلت ابيه يحس ان الجرح ماهو سهل مرسل علاج فلان لايشربونه اخوانه وش دخلك يموتون يحيون العيال عند امهم بس بيجس نبظي مارديت ولا دخلت اصلا و
ولا ادري وش معنا حركته ذي نزل العيال ومشى ولا طلبني
توترت كيف بطلع له ولابسه بدون زينه الحزن بوجهي بس صدمني صدمه ثانيه انه ماطلبني بيخوفني يعني ويبيني اركض وراه خلها تنفعه اللي هدمت بيتك ومن ضمن زعلنا يستفزني واقوله انت بنيت بيت وهدمت عايله هذا قبل خطبته بس ولاتغير شي
وكيف اقوي شخصيتي ارد احقره ارجع له ارجع ان جاء واعتذر عبالي جايب طقم ولا شي يعتذر لي قدام اهلي بس مايبي يجرح كبريائه

وانا مغبونه انه انسان كذب علي مستثمر فلوس بعقد بمده والمده ماجت للان وقبل كم اسبوع وشهر يتشكى لي من ديون العمال اللي يدقون عليه وشلت همه معه والحين معطي المره مهرها منين طلعن الفلوس خذا همي وهذا قهري اكثر من قهر زواجه استغلني ليه طيب ليه ماعوضتني حطها براسك بس اجلها مو هالوقت وقت الضيم والفقر والفلوس اللي احتريها كنت بانيه امالي عليها واحلامي ويخلص ديونه ونعيش بسعاده اثري استثمر فلوس وكل تفكيره ووقتها المره وكيف يطرب نفسه وانا رفيقه دربه اللي صدقته ووقفت معه جازاها بالمره
احاول اوقف من جديد ودي ادري واخذ الماجستير لانها هي واصله ويوم اقوله بدرس ماضمن الدنيا بكره تعرس علي ماحتاجك يقول لا ماني معرس بس لاتدرسين ويحطمني ولا يقول يالله ادرسي كلام بس طيب عاوني بس يبيني مربيه اولاد وانشغل فيه طول وقتي ولا انشغل بغيره

يوم اقوله بنطلع نتمشى نبي نروح مطاعم نغير جو اطلبه يعصب يقول انتي ماهمك غير المطاعم بالله ذا رد
انا تعبانه بس اني صبرت عليه واحتريه يعوضني كثرن فلوسه وهو محسسني مامعه شي وقلتها له قال اول فعلا مامعي شي ماني مجبور اكذب بس الحين بتجيني الفلوس وابشري باللي تبين قلت وش عقبه
بس من غير جرح العرس
كيف انسى جرح انسان ماوفى لي كيف اقوم من حطام نفسي انا عنده وعند الكل ملكه جمال بس من كثر مايحطمني ذاب زيني وذبل عنده وافوت جمعات بعذر مشغول ومعزوم واوي له والويكند كنت اقول وقت راحته للناس ماقدر اطلع لهلي ولا لاقاربي اللي ماهم حولي وش نفع ادور راحته ولاضغطت عليه بشي ويقول ادري انك ماضغطتي علي بشي هذا جزاي يبي وحده مديره مدرسه بيتها تطلع عيونه الله يكفيني فيه بمايشاء وعلى كل دمعه ذرفتها اللي ياخذ حقي منه ولا يتمم زواجه انشاءالله وبحول الله وقوته ان هي ترفضه باذن الله تكسر شوكته
حسبي الله ونعم الوكيل

انتي بتمرضين من كثر مانتي مكبره موضوع زواجه ..انتي مو اول امرأه زوجها يتزوج عليها وﻻ الاخيره ..وش بينقصك ان تزوج وحياتكم كانت كلها مشاكل بمشاكل ..يااختي ارحمي نفسك ماشفت وحده مثلك مره انتي مدري ضعف ايمان الي تسوينه وﻻ ايش تراك مافقدتي امك ابوك او احد من عيالك وﻻ هو الي مات راح وتزوج وبكره لك يوم ولها يوم هذا وانتي ماشفتي كيف بيكون بعد الزواج وهذي حالتك ..بخت زوجته الثانيه فيك انتي عايشه دراما كان احد فقد لك وهي راح تشتغل على هالوتر زوجك راح يرتاح للمكان الهادي وانتي بطريقه غريبه ملاحقته بالحزن بكره هي تلحقه بابتسامه شوفي الفرق بعدين ..فوقي لنفسك مره انتي معيشه نفسك حزن غريب ﻻ تزعلين مني بس ماشفت مثلك وقفتي الدنيا كلها وعشتي الهم ليش علشان تزوج لانتي اول وحده وﻻ اخر وحده. طول عمرك قرارات حزينه على بالك الدراما والحزن بتاثر فيه بكره يقول لك عيشتيني بكئابه وهي عيشتني براحه فوووقي لنفسك ..

صادقه ..انا ماحب المراه الي تضحي بعدين تجي تسرد تضحياتها محد طقك على ايدك علشان تضحين دام انتي قرارك تضحين وتعيشين محرومه ﻻ تلومين زوجك هذا قرارك ..كل كلامها ضحيت وضحيت طيب الي تضحي ياتحتسب الاجر ياتتحمل قراراتها ﻻن بالاخير محد طلب منك تضحي انتي الي سويتيه من نفسك وزوجك مستحيل يرد لك هالتضحيه دامها جات منك فلا تلاحقينه بكلمة ضحيت وﻻ تهلكين نفسك وتعيشين نفسك دور الضحيه الي ضحت ولقت نكران ﻻن بالاخير كنتي انتي سبب وانتي الي اخترتي هالطريق فلا تلومين احد بقراراتك وﻻ تتوقعين مقابل دامك اخترتي الطريق برضاك ..ﻻ تزعلين بس انتي فعلا محتاجه الي يبين لك انك فعلا عايشه دراما واوفر ومحد ماكل الهم غيرك ولازم تفهمين ان الجو الي معيشه نفسك فيه منفر لزوجك ومهلك لصحتك يااختي زوجك تزوج مامات وﻻ حد من اهلك صابه شي فاصحي لنفسك محد مهموم الا انتي وزوجك بكره يمل من الي تسوينه اتخذي قرار فقط كل الي محتاجته الحين قررررار بس انتي منتظره معجزات يركض وراك يطلقها يجي يعتذر والواقع غيررر للاسف ..الله يهدي قلبك ويدلك للي يريح بالك يارب .