السلام عليكم اخواتي الكرام.
ما بعرف اذا حدا بيتزكرني بس اخر موضوع الي كان ب ٢٠١٥ بس ان شاء الله رجعت للمنتدى ورح فرجيكون طبخات كتير رح تعجبكون وبتمنى اذا حدا متزكرني يحطلي مشاركة شتقت كتير لاحلا بنات ان شاء الله الكل يكون بخير.
المهم جايبتلكون اليوم طريقة كيك جوز الهند طيب كتير وخفيف وسريع ورح يعجبك كتير واي سؤال انا حاضرة.
المكونات:
٣ بيضات
كباية سكر
كباية حليب
٢ كبايتان جوز الهند ناعم
كباية جوز الهند خشن
كباية طحين اللي فيه خميرة
كباية سميد ناعم
كباية لبن
نص كباية زيت
ملعقة صغيرة فانيلا
ملعقة صغيرة بيكينغ بودر
طحينة عشان تدهني الصينية
الطريقة:
خلطي كل المقادير مع بعض ادهني الصينية بالطحينة وحطيا بالفرن بس تستوي طلعيها من الفرن وقصيها علا كيفك هي وساخنة واضيفي عليا القطر وزينيها بجوز الهند متل ما تحبي.
وان شاء الله تعجبكون.

كيك برتقال✨🍊

كيك البرتقال والمكسرات

كيك البرتقال

كيك 🍊البرتقال...

كيك بكريمه الخفق