زوجي سحب من رصيدي 25الف تحويشة العمر من سنوات ولاعنده نية يرجعهم

لاياقلبي انا سبق وطلعت باول حمل لي ماكان معي اطفال ونفس المشاكل
وابوي عنده خير ومامنه قصور ولابياثر عليه اكلهم الباقي يروح للعمال والبساس والطيور ومصاريف حفايظ وحليب من جيبي

كيف اشتكي يرجع اللي نهب اروح محكمة اوايش احد يعطيني الاجراءات وهل اقدر ارفع عن طريق موقع
انا عارفه اهو واهله بيسبون فيني واني مافيني خير وان ممكن توصل للطلاق رغم انه مايبي يطلق بس خلهم بنات الناس مو لعبة ولو هم مايرضون ابدا ابدا
حتى اهلي ممكن يقولون طفسة بس انا اشوف ليه يسرقني ويمد يده على كل رصيدي وتعبي بدون استئذان ويماطل ويسب

إنتي بديتي بالموضوع خليك جاده لآخره ، عطيه العيال اهلك اكيد ماراح يتقبلون وجود اطفال وهم كانو مرتاحين وهو راح يحس فيك اما كذا لا زوجه ولا عيال مرتاح لا مصاريف يدفعها ولا هم لو تعطينه الاطفال راح ياكل هواء ، اذا حسيتي مافيه امل قولي له بروح المحكمه افسخ النكاح - واذا انتي قادره روحي ماعليك لا من اهلك ولا اهله - افسخي النكاح علشان ماتدفعين له ريال ولو عندك ادله عن الزنا يطلقونك منه بسرعه.

وين تسلم اطفالها لواحد مدمن مخدرات
من جدكم انتم يا كثر النماذج مدمنين وقتلو اطفالهم وحتى زاني يعني شهواني ميخاف الله بكره يتحرش باطفاله
يا صاحبة الموضوع عيالك لا تفرطين فيهم بكره يصير لهم مكروه وتندمين عمرك كله
اصبري وخليك على موقفك اللي سويتيه صح
واهلك حاولي تطنشي وتصبري لين تولدين ثم اسعي بوظيفه وابني لك كم غرفه بحوش اهلك او السطح وراتاحي من حيات الشقى مع زوجك ما اقول تطلقي واخاف ادخل بالتخبيب بس يبيله انك تسحبين عليه فتره طويله لين يتعدل ويعرف قيمتك

الحياة تعطي كف للانسان لكن ان شاء الله يتعلم بدل ما ينكسر
لا عاد تفزعي وتعطيه بطاقتك
انا غلطت غلطتك لكن بمبلغ كبير وجلست سنوات أحاول اوقف على رجليي
تمنيت لو أني قليلة أصل وما رضيت أعطيه المهم تعلمت درس قاسي جداً

بالنسبة لوضعك اذا ساء الحال مع امك ودي اطفالك لبيت أهله
وقولي لأمه ذنبهم برقبتك اذا والدهم أذاهم وقوليلها طلباتك
يرجع فلوسك ويصرفلك مبلغ شهري وارمي الاطفال وروحي
لربما امه تضغط عليه على الاقل يرجع فلوسك ويصرف على الاطفال
أما بالنسبة لوضعك مع زوجك للأسف ما يحله غير أهلك
رقبتك بيدهم
ادمان وزنا الشغلة كبيرة