لماذا يعاملوني بهذه الطريقة...؟؟

بنات راح أكتب لكم كل إللي فخاطري..وأفضفض لكم..وعطوني الحل..ترى الصمت يقتلني ويقتلني..

طبعا العنوان مبين من أوله ومعناته واضح...ليش يعاملوني بها لطريقة؟؟!!

أمي وأختي..أقرب الناس لي..يعاملوني بطريقة فحياتي ماشفت أم ولا أخت تعامل بنتها بهالطريقة..وإشمعنا أنا من بقية كل أخواتي :(

والله تعبت .. نفسيتي منهااااااااااااااارة..كل يوم أصيح كل يوم أصيح..مالقيت حد يمسح دموعي..

أنا ماراح أقول لكم التفاصيل كلها..لكن تصدقون..يوم رحت عند أمي وقلت ليييييييييش تعامليني بهالطريقة ..قلت لها طريقتج في معاملتي مب حلوه..والله يابنات يوم أكون أنا في صوب..هي تصد بوجها الصوب الثاني..حاولت أتقرب منها..أعطيها هدايا..أساعدها في شغل البيت..وأشياء كثيرة..

لكن نفس الشيء..تظل معاملتها مثل ماهي..عمرها ماابتسمت لي والله..وعمرها ماتناديني بإسمي..عمرها مامدحتني قدام حد..كله بس تسبني وتفضحني وتجرحني بكلام أول مره أسمعه..

والله قلبي يدق يدق بقوه..وأنفاسي تتقطع..وأرتجف من القهر..ياااااااااالله إنزين لييييييييش تسوي فيني جي..

رحت لها ذاك اليوم..وحاولت أتقرب منها وأعرف منها السبب..صدت بوجهها عني كالعادة وقالت..أختش أحسن عنج ..وبس ماقالت شي ثاني..

إنزين فشو هي أحسن عني؟؟ في الدراسة أنا دراستي أحسن عنها والحمدالله متوفقة ولاأقول هذا عن تكبر..لكن فعلا أنا بمقارنة بأختي شاطره..

في الأخلاق..والله ثم والله أن الجميع يشهد بأخلاقي العالية..خااااااااصة حيائي وهدوئي ..وصمتي.. والله العظيم..الكل يشهد بهالشيء..

في البيت..حالي حال أختي..أساعد أمي في البيت..اكنس..أطبخ..أرتب البيت..أغسل الحمامات (أعزكم الله)..تقريبا كل شي أسويه...

يعني شو بقى؟؟!! والله ماأعرف..

إللي يقهرني إنه أختي يوم أمي تعاملني بهالطريقة..تفرح وتقعد تطالعني بطرف عينها وكأنها سوت شيء عظيم بحياتها..وأنا كالعادة أكتم وأكتم..

هالمرة قلت خلاص راح أكلم أختي يمكن هي تعرف السبب..رحت عندها..وقلت لها..أريدج في سالفة..وقعدت عندها ويوم فتحت لها السالفة..عصبت من الخاااااااااطر..وعيونها حمرت..وصرخت في وجهي قالت لي..((اكرهج والله أكرهج..كررتها ثلاث مرات)) تخيلوا..والله حسيت إن الأرض تدور من تحتي..وإنه شوي وراح يغمى علي..بغيت أصيح بغيت أصرخ بغيت أجن..بس مسكت عمري..

ورحت فتحت كبتي..وشليت القرآن..وقلت حق أختي.((شوفي..يشهد الله إني أحبج..والله أحبج..في حياتي ماكرهتج ولاحاولت أأذيج بأي طريقة..وإنتي تعرفي هالشيء أصلا..وحلفت لها على القرأن))

ماردت علي..قامت تصيح وطلعت بره الغرفة..وكالعادة أمي تطيح فيني أنا..وو هلم جرا..

بنات راح أكمل لكم السالفة بكرة إن شاء الله..لإني والله ماأقدر أكتب أكثر من جي..دموعي أربع أربع..وأرجف من القهر..راح أخبركم بأشياء راح تنصدموا منها والله..


أختكم..دموع اليتيمة..