اعراض نقص فيتامين د

السلام عليكم ورحمة الله وبركاته
انا مريت بحالة نفسية سيئة جداً وجالي قولون عصبي ونقص وزني تقريباً بمعدل كل اسبوع كيلو رغم اني م كنت اكل مره الا وجبة وخفيفة بعد المهم انتقلت بعدها لوسواس ولتوهم المرض والحين الحمدلله بديت اسيطر على افكاري واحقرها بس مره فيني الم ف عضلاتي وعظامي مو طبيعي صح اقوم واشتغل واصلي ويخف الوجع لكن اذا طولت وانا جالسه او منسدحه اتألم مره وكمان لو كنت جالسه قدام المكيف وطولت احس ما عاد اقدر اثني يديني كانها تتحجر او تتيبس سبحان الله هل ذا الشي من نقص فيتامين د؟! او من القولون الله يسعدكم اللي قد حصلها كذا تقول وش السبب!

21 تعليق 3,962 مشاهدة

شاركي في النقاش

سجلي الدخول لإضافة تعليق.

التعليقات

21
  1. @khokhh_altfahh

    نقص فيتامين دال متعب جدا
    والي تمرين فيه شيء طبيعي ولازم تعالجينه وتاخذي منقوع التين يوميا عشان يساعدك في الامتصاص
    وانا لاحظت ان القولون ثار معاي بعد ماصار عندي نقص فيتامين دال صحيح انا مصابه بالقولون من زمان لكن ماكان بهذي الصورة القويه
    عالجي دال وان شاءالله تخف معك الاعراض تدريجيا
    الله يكتب لنا الشفاء العاجل
  2. الله يشافييك. ويعافيك.. 🌹


    ممكن نقص فيتامين د يسبب هالاعراض انتي سوي تحاليل شامله مثل تحليل نقص فيتامين د وتحليل الغده الدرقيه كسلها ونشاطها .. والاهم تحليل نقص الحديد.. وتحليل نسبه الهيمو جلوبين..


    وكان الله في عونك عزيزتي.. 🌹
  3. @amany_fysl

    الأعراض اللي ذكرتيها تدل على نقص فيتامين D
    ودائما يترافق مع نقص فيتامين D نقص في الكالسيوم
    إضافة لو تتأكدين من نسبة الحديد ومخزون الحديد وفيتامين B12
    بيكون أفضل.


    والله يمن عليك بالصحة والعافية.
  4. @salshm

    صاحبة الموضوع
    خوخه التفاحه
    نقص فيتامين دال متعب جدا والي تمرين فيه شيء طبيعي ولازم تعالجينه وتاخذي منقوع التين يوميا عشان يساعدك في الامتصاص وانا لاحظت ان القولون ثار معاي بعد ماصار عندي نقص فيتامين دال صحيح انا مصابه بالقولون من زمان لكن ماكان بهذي الصورة القويه …
    انا اكل التين بس من دون نقع ومن دون شي وش هي طريقة النقع؟؟
  5. @salshm

    صاحبة الموضوع
    ❥.мαℓαĸ.❥
    الله يشافييك. ويعافيك.. 🌹 ممكن نقص فيتامين د يسبب هالاعراض انتي سوي تحاليل شامله مثل تحليل نقص فيتامين د وتحليل الغده الدرقيه كسلها ونشاطها .. والاهم تحليل نقص الحديد.. وتحليل نسبه الهيمو جلوبين.. وكان الله في عونك عزيزتي.. 🌹
    حبيبتي تسلمين الله يسعدك💛

تابعي تجارب أخرى من هذا القسم.