احلامي تبعثرت وضاقت الدنيا فيني

السلام عليكم ورحمة الله وبركاته
بنات ضايقة فيني الدنيا ولاحول ولاقوة لي الا بالله ..
بكتب لكم قصتي وابي الرأي السديد والمشورة -انا تخرجت قبل سنتين وكان حلمي من ايام الجامعة مشروع خاص لي وبعد التخرج سعيت عشان هالمشروع ودخلت دورات وطورت في نفسي وقدمت على بنك التنمية قسم دعم المشاريع وفعلا قبلوا مشروع وأجتزت المقابلة بأمتياز واللي صار اني اخترت منطقة المشروع تبعد عن مدينتي ساعه ونص ،اخترتها لانها المنطقة الوحيدة اللي ينقصها هذي الخدمة وقلت حلو اكون المحل الوحيد واحتكر الشغلة ، وتعبت جدا في تجهيز المحل واخترت كل شي جديد لكن للاسف اهالي المنطقة جافيين جدا الورده ام خمسه ريال يبونها بريال غير التهجم علي بالمحل وامور كثيرة ،دخل المحل ضعيف جدا امامي حليين ،انقل المشروع لجده لمنطقة سكني وهذا يحتاج سيولة ولافيه احد يدعمني زوجي شال يده من كل شي لانه تعب بصراحة معي في المشروع والا اقفل المشروع وفي رقبتي دين للبنك وش الدبره يابنات علمًا بأن زوجي هو كفيل وبيستقطعون من راتبه وعلاقتي بزوجي بدأت تدهور من تحت ذا الموضوع وبدأ ابوه يتكلم حملتي ولدي دين ومن ذا الكلام وانا ماألومه هذا ولده واكيد يخاف عليه ،انا ماعاد انام الا بمهديات من التفكير من تدلني للراي السديد والا تجار والا جهة اقدم عليها تدعمني ماليًا لنقل المشروع لمدينتي اسآل الله اني يرشدني لطريق الحق ويسخر لي الارض ومن عليها ...