ماني عارفه اسمي موضوعي ولكن جد انصدمت..
تصدقون يا بنات.. عندي معرف قديم عام 2013.. ضاع رمزي السري ونسيته وتركت المنتدى.. بعد فترة رجعت وسجلت بالمنتدى بمعرف جديد.. اللي حصل.. تذكرت موضوع سبق ونزلته وقلت ليش ما ابحث باسم الموضوع يمكن احصل معرفي القديم وفعلا كتبته ودخلت على ملفي السابق.. وجلست اقلب في مواضيعي ومشاركاتي القديمه وهنا الصدمه يا بنات مو انا ابدا انسانه مرحه اغلب مواضيعها بقسم الترفيه تحكي مواقف مضحكه حصلت لها تشارك في مواقف فكاهيه..داخله قسم البشره ولها مشاركات كمان قسم الأمومة ومواضيع في أقسام منوعه ومواضيعها حلوه فيها كميه حياة َوتفاؤل.. وحب ومحبه.. حتى الموضوع اللي كاتبته في قسم الاسره عن مشكله بالنسبه لها مشكله كبيره وحزينه وانا اشوفها عاديه جدا وتافهه َوليت كل المشاكل كذا... ياااااه انا ليش تغيرت.. وايش اللي غيرني ليش صرت كئيبه ما احمل روح المرح والضحك والفكاهه معقول 5سنوات كبرتني كبرت وصرت جديه.. طيب كيف انتقلت كل هذه النقله بشخصيتي والله يا أخواتي كأنه ام وبنتها ولو اقول جده َ وحفيدتها ما ابالغ... قبل سنتين قابلت ََوحده من صديقات الطفوله تقول لي انتي تغيرتي.. واستغرب ليش تقول لي كذا وانا ما تغيرت والان عرفت اللي تقصده وفعلا انا تغيرت