مواقف وقصص في طواريء الولادة.. !

لي رجعه ان شاء الله وعسى يكون فيها الفايدة

وياك ياقلبي💛

اللي صار لك مسخرة بصراحة سواء كنتي بكرية او لا مفروض بعد الولادة ساعتين ماتقومين من السرير عشان يتابعون النزيف ونبضك لان كثير امهات يصير معهم ضعف او تسارع بنبض القلب بسبب التعب بعد الولادة وقتها يحتاجون مغذيات بالوريد وتدخلات ثانية

الشي الثاني انك تقومين لحالك مباشرة بعد الولادة غلط وانك تروحين للحمام غلط
واصلا البروتوكول انه اي والده تروح للحمام اول مره لازم يكون معها ممرضة لانها ممكن تدوخ وتطيح وتصير بمشكلة ثانية
وهالشي صار عندنا بالمستشفى
وراح اذكر هالقصة بالرد الجاي ..

الموقف اللي صار هالمره في تنويم مابعد الولادة والسبب اهمال الممرضات طبعا بمستشفى حكومي ونقص كادر التمريض لابد مايصير فيه تقصير خاصة لو عرفنا ان بعض المستشفيات تكلف كل ممرضة ب 15 مريضة مره وحده والسياسة العالمية تقول كل ممرضة لها 4 مرضى كحد اقصى يعني هذا خطأ اداري مايعفي التمريض بعد من تقصيرهم
المهم انه فيه والده ولاده طبيعية كانت تدق الجرس للممرضات تبي تروح الحمام ومحد جاها .. لقوها طايحة بالحمام متوفية لانها داخت وضرب راسها على حافة المغسلة .. الله يرحمها
عشان كذا اللي تحس نفسها ماتقدر تقوم لاتغامر وتمشي لحالها لو تسويها على السرير..

فعلا
انا بولادتي الاولى كنت ماادري بهالامور وفرحانه ربيت وخلصت قلت بقوم اروح الحمام بروحي وصلت الحمام ماقدرت من الدوار ورجعت وجلست انادي امي وجلست ع كرسي جانب الغرفه وشويه دخلت فحاله غريبه والنفس سريع واحس نفسي بموت مع ترجيع وجات السستر ورجعوني ع السرير ونمت/وكل مابغوا ينقلوني غرفة التنويم مجرد بس اتخذ وضعيه الجلوس يغمى علي وضليت فغرفة الولادة لين استقر وضعي ماقدروا ينقلوني والحمدلله عدت ع خير وفولادتي الثانيه صار معي خبره ماقمت بمره نمت وريحت ولما حسيت حالي بخير قمت اتسبح واتنظف

الصحة نعمة الحمدلله ع كل حال