الحرمه💔

السلام عليكم
مساء الخير جميلاتي
حابه اخذ رأيكم بموضوع اسمك في جوال زوجك
لو اكتشفتي ان زوجك مسميك في جواله الحرمه
وش راح تكون ردة فعلك وهل هذا الاسم يزعل
ماتحسين انه فيه استحقار لك
من يوم شفت انه مسميني الحرمه تضايقت حيل حيل طيب سجلني باسمي او حتى البيت راضيه افضل من الحرمه
انتظر رأيكم وتعليقاتكم ولو كنتم مكاني وش راح تسوون وجزاكم الله خير

94 تعليق 21,112 مشاهدة

شاركي في النقاش

سجلي الدخول لإضافة تعليق.

التعليقات

78
  1. @mlath_bnt_khald

    بلله وش الي يزعل في الموضوع
    انتي مو حرمه طيب ..وش تبغين يسميك رجال ولا ايش تبغين يسميك..كاتب الحرمه عادي ماشوف شي يزعل
    اش رايك انا زوجي مسميني باسمه في الجوال ..
    يعني لا كتب اسمي ولا البيت ولا الحرمه.
    حاط اسمه ع رقمي..
  2. @mlk_ansan_1

    عليكم السلام


    يابنت الحلال لا تدققي ولاتشغلي بالك بعض الرجال تفكيرهم مدري كيف ويخاف يسجل إسم زوجته صريح عشان اللي يمسك جواله لايشوف ومن هالكلام .. انا اذا فايقه اكتب اسمه عادي واذا زعلت حذفت رقمه خير شر لدرجة يوم يتصل اقول وش هالرقم الغريب وبعدين أفتكر انه رقمه 😑


    واذا حازة ف نفسك سجلي رقمه بإسم ( الرجال ) وحدة بوحدة واذا سألك قولي مافي أحد أحسن من أحد
  3. @am_khlod22

    صاحبة الموضوع
    انا حزت بنفسي لاني انا مسجلته حبيب الروح
    حزت بنفسي لانه مسمي بنات اخوانه واخواته بأسمائهم
    ليش انا مسميني كذا
  4. @am_khlod22

    صاحبة الموضوع
    ملاذ بنت خالد
    بلله وش الي يزعل في الموضوع انتي مو حرمه طيب ..وش تبغين يسميك رجال ولا ايش تبغين يسميك..كاتب الحرمه عادي ماشوف شي يزعل اش رايك انا زوجي مسميني باسمه في الجوال .. يعني لا كتب اسمي ولا البيت ولا الحرمه. حاط اسمه ع رقمي..
    مدري حسيت كلمة حرمه فيها استحقار وبس
    لو حاط اسمه على رقمي والله ماازعل

تابعي تجارب أخرى من هذا القسم.