شاركي في النقاش

سجلي الدخول لإضافة تعليق.

التعليقات

46
  1. @zawaya_sama

    صاحبة الموضوع
    عواطف تركي
    فعلاً انتي مكبره الموضوع مع احترامي لك قدامك واقع لازم ترضين فيه لا تعيشين تلهثين خلف المظاهر وترفعين راسك لمستوى فوق مستواك عشان ماتتعبين كلام زوجك صحيح وفيه عقلانيه ومنطق طالما ماعنده فلوس وامكانياته الماديه ضعيفه وش تبينه يسوي ؟ …
    والله يااختي لو تفهمي مقصدي تعرفي اني مو راعية مظاهر كذابه احب البساطه
    لكن انا بيتي بلاااط غرفة المعيشه هي نفسها غرفة الضيوف هي نفسها غرفه لنوم عيالي وباقي الغرف فاضيه
    وانا ماطلبت من زوجي ذبايح للضيوف كل اللي اطلبه دايما اشياء بسيطه للمباشره وان كان عشا فمن المتيسر لكن هو يكره شي اسمه ضيوف ويستكثر على الضيوف كل شي يفشلني
    وانا معك انا اهدرت سنوات عمري وانا افكر في شي تافه لكن مالقيت حل غير الهروب
    اقفل بيتي في الاعياد اخبي مناسباتي السعيده عشان لاحد يفكر يجيني واهلي اصرفهم مااخليهم يجوني واجتمع بهم في بيتهم او مكان عام
    احس العيب فيني مااعرف اتصرف قلة دبره او قلة حظ مدري اش اسميها الحمدلله
  2. @nsryn_38

    عواطف تركي
    فعلاً انتي مكبره الموضوع مع احترامي لك قدامك واقع لازم ترضين فيه لا تعيشين تلهثين خلف المظاهر وترفعين راسك لمستوى فوق مستواك عشان ماتتعبين كلام زوجك صحيح وفيه عقلانيه ومنطق طالما ماعنده فلوس وامكانياته الماديه ضعيفه وش تبينه يسوي ؟ …
    حيا الله عواطف..فينك ياعسل اشتقنا
  3. @nsryn_38

    صاحبة الموضوع ياماما الموضوع سهل ياقلبي اثثي من المستعمل..زيي..اخذ ه رخيص مره وادور على النظيف والامور ماشيه الحمدلله..واستقبلي ضيوفك وانبسطي ليش خانقه نفسك..عادي.مولازم قصر واثاث فخم وضيافه ملكيه لا من قلك...ابدا ..خلك ذكيه مواعين تقديم حلوه حتى لو قديمه واثاث زي ماخبرتك..وضيافه حلوه راقيه نظيفه فين المشكله..ونظفي ورتبي واشتري تحف ابد عيشي حياتك..ونصيحه انظري لمن هو اقل منك ووضعه اسوا منك لا تناظرين للاعلى منك..الله يسعدك ويشرح صدرك
  4. @aaoatf_trky

    zawaya-sama
    والله يااختي لو تفهمي مقصدي تعرفي اني مو راعية مظاهر كذابه احب البساطه لكن انا بيتي بلاااط غرفة المعيشه هي نفسها غرفة الضيوف هي نفسها غرفه لنوم عيالي وباقي الغرف فاضيه وانا ماطلبت من زوجي ذبايح للضيوف كل اللي اطلبه دايما اشياء بسيطه للمب…
    انا فاهمتك وحاسه انك متفشله من وضعك وانتي قلتيها بنفسك عايشه هربانه من الواقع مانتي راضيه تتقبلينه بسلبياته وعيوبه اللي مالك مفر منها وللاسف الهروب مايحل المشاكل ولا يخففها

    والمقصد من كلامي ان زوجك حسب كلامك ماعنده فلوس ولا يحب يتسلف ويركب نفسه ديون حطي نفسك مكانه اذا الله ساترك في بيت وفلوسك يادوب تغطي اكلك وشربك ومصروف عيالك بتفكرين تضيعين الفلوس على اثاث وغيره ؟ اكيد لا .. لان الحياه فيها اولويات وبعض الرجال عندهم عزة نفس مستحيل يمدون يدينهم للناس عشان شي مو ضروري .

    انتي اكثر وحده تعرفين ظروف زوجك واحواله الماديه اذا فعلاً مامعه فلوس فهو معذور حتى في تذمره على طلباتك للضيوف لانه ممكن مايملك الفلوس وفوق قدرته وطاقته ومثل الهم على ظهره .
    اما اذا معه فلوس زايده وبخلان بها عليكم فهنا معك كل الحق تتكلمين وتطالبينه بالنفقه وتجهيز غرف العيال وتأثيثهاوملزوم بمصروف البيت والضيوف .

    وانتي واجهي الواقع لا تهربين منه كيف تبين زوجك يحس بحجم المسؤليه والحياه ومتطلباتها ويتلحلح ويتحرك وانتي هربانه ومبعدته عن الضغوطات ؟
    خلي اهلك يزورونك وحتى اهله واقاربه خليهم يشوفون وضعك الحقيقي وبيتك اللي بلا اثاث لا تتسترين عليه بعض الرجال مايهزهم ولا يحركهم كلام وزن زوجاتهم مايحركهم الا كلام الناس عنه انه مقصر في بيته .

    عيشي حياتك والله يوسعها ويفرجها عليكم

تابعي تجارب أخرى من هذا القسم.