شاركي في النقاش

سجلي الدخول لإضافة تعليق.

التعليقات

1,209
  1. @kn_ant

    رانسي الاسمر
    السلام عليكم انا ام لتوام والحين أعمارهم سنه و3شهور باسم الله تبارك الرحمن وللحين اعاني من تربيتهم لأنها مشقه حتى نوم مااقدر انام 24ساعه مراقبه ومتابعه لهم أسأل الله الهدايه لهم ويرزق كل مشتهي الذريه الصالحه👐❤
    أهلا حياك الله معانا

    الله يخليهم لك ويرزقك برهم..
  2. @umsaad_qatar

    لميس2008
    ام سعد جابك الله عندي سؤال تذكرين لما قال لك الدكتور ان بنتك فيها حساسية حليب الابقار؟! انا ولدي من زمان وهو فيه ترجيع مثل النافورة يخف مرات ويزيد مرات الشاهد انه قبل ٣ شهور تقريبا مره انقطع يارب لك الحمد ثم رجع هالاسبوع ولا ادري وش السب…
    مساء الخير
    كتبت رد مرتين وكل مره يروووووح 😩😩
    المهم الله يسلمج بنتي من كانت في الحضانه وانا أشوفها بعد ماقاموا يرضعونها مباشره بدون الانبوب ترجع وطلعت للبيت وهالشغله ماراحت حتى مره وديتها الطوارئ اختنقت ومره جاء الإسعاف يعني نفاسي كان عباره عن خرعات وتشخصت بنتي على انه عندها ارتجاع وعلموني وضعيات الرضاعه وغيره المهم مالج بالطويلة تمت بنتي على هالحال بس مب بشكل يومي بس ترجع وخف هالشي تقريباً بعمر ثلاث او اربع شهور ورجع لها بعمر ست شهور وبقوه ومعه أعراض ثانيه حساسيه في الخدود نفس القشور وجفاف وحمرت خدودها كنها فيها دم تخيلي الرضعه ترضعها وترجعها مثل النافورة بعد ماتخلصها مباشره ماتستفيد من الرضعه وكانت طول الوقت غازات وصعوبة في الخروج الله يعزج مع ان بطنها لين بس ماكانت تقدر بطنها منفوخ وكانت تصيح صياح مب طبيعي ابوها نومه ثقيل يقوم على صياحها وكنت احس التنفس عندها صعب وماخليت قطرات أنف وشفاط ماشريته وديتها قال الدكتور حساسيه حليب بقر صرف لنا حليب بريمالاك CMA علبته ذهبيه سعره أتوقع 95 ريال
    اول يومين استخدمته مع حليبها القديم لين تتعود عالطعم وبعدها لا عطيتها بروحه وماتقبلته وبعد اسبوع تقريباً الحمدلله مشت الأمور خفت حساسيه خدودها والترجيع ماخف بس وقف تماماً ماشاءالله الحمدلله بس الحليب له سلبيات نسبة البروتين فيه 25% بس اضطر اعوضها بالبروتين بس بالنسبه لعمرها صعب تغامرين وتعطينها اي شي شي ثاني ريحته سيئة شي ثالث بنتي صادها إمساك بطنها صار يابس الله يعزكم بس تخرج لا حظي اول بطنها لين ومايطلع شي اللحين يابس بس تخرج تكرمون الحليب وايد خفيف مايشبع ترضع رضعتها كامله وبعدها بشوي تبي ومامتنت بنتي عليه الزياده شي بسيط على وزنها ميه غرام تقريباً وبالقطاره يزيد
    وفرق الوزن بين بناتي من كانوا في بطني اول شي كان نص كيلو وبعدها صار 900 غرام وبعد ماجبتهم الفرق كان 700 غرام ومع الايام بنتي اللي صادها حساسيه كانت الزياده عندها ماشاءالله سريعه وصار الفرق بينها وبين اختها 400 غرام ومشاءالله صارت عافيتها زينه اقرب للمتن وبعدها ضعفت وصارت زيادة وزنها بطئية حسبي الله على بعض الناس تخيلي يشوفونها يقولون خدودها صارت وش كبر اللحين الفرق بينها وبين اختها كيلو وشي
    اتمنى ركون أفدتج

    اسفه عالاطاله ❤️
  3. @umsaad_qatar

    حنااااانوووووووووو
    مساءك اسعد ام سعد بالنسبه لبنتك الي تقوم وسط النومه العميقه يمكن نومها اخف من اختها او ماتاكل كثير فتجوع وتقوم اهم شي اذا قامت حاولي تنومينها ماتعطينها جوها علشان ماتتعود وتقوم من ناحيه الحلبه كثيير كثيير يعطون عيالهم حلبه مطبوخه مع سكر …
    ثنتينهم نومهم خفيف على اخف صوت يقومون الله يصلحهم
    ماعطيها على جوها حتى الاباجوره ماعاد خليتها شغاله والمكيف فيه درجه الحراره بالاضاءه طفيتها لانه اي شي فيه اضاءه عادي يتاملونة ويسهرون معه
    شكلي بجرب الحلبه لو ماطلع ريحه فيهم تمام بس اذا طلع بوقف اكره ريحتها 😖😖
  4. @umsaad_qatar

    كن أنت
    شوفي بالنسبة للنوم امي دايم تقولي الأطفال كل شهر يمرون بحالة يرجعون فيها لهذيك الفترة وهي الفترة الي تصاحب فترة التطور العقلي.. يعني سبحان الله لما ينمون عقليا يصير عندهم استيعاب ينزعجون من الشعور فا يصيرون يقلقون ومن ضمن شعور القلق انعدا…
    مشكوره مشكوره شكلي بحمله بشوف علشان ارفع حالة التأهب 😂😂
    بس الأحظ وحده فيهم تمشينا على مزاجها احيان تنام وأحيان تسهر يعني شغلة مزاج تعفس مخططاتي وجدولي بسبة السهر لو في نيتي شي خلاص اكنسله أعطي زوجي جدولي لبكره واذا جاء الصبح قال هاه بتروحين او بتسوين انا هنا اشتغل وانا رقدت بنتك ماخلتني
    انا غيرت في البيت بسبتهم طاولة الطعام والطاولة اللي في الصاله كلها شليتها صارت شغلهم الشاغل الله يصلحهم ويهديهم
    عندي صاله ثانيه فوق شكلي بخليها لهم ماراخ اخلي فيها اي شي يخليهم يوقفون او يمسكونه او شي له زاويه بس ابي اشتري حواجز بس وين القاها ابيها جوده
  5. @kn_ant

    Um.saad_qatar
    ثنتينهم نومهم خفيف على اخف صوت يقومون الله يصلحهم ماعطيها على جوها حتى الاباجوره ماعاد خليتها شغاله والمكيف فيه درجه الحراره بالاضاءه طفيتها لانه اي شي فيه اضاءه عادي يتاملونة ويسهرون معه شكلي بجرب الحلبه لو ماطلع ريحه فيهم تمام بس اذا طل…
    انا نفس الشي بس انا اشغل لهم وايت نويز وتعودوا عليها وصارت تمنع الأصوات الخارجيه لاتدخل الغرفة..تلفزيون..مكنسة..الخ..

تابعي تجارب أخرى من هذا القسم.