أبي حل لزوجي اللي مو حاس فيني وفي حاجاتي

الله يصبرك ويكتب لك الاجر ويغنيكم بحلاله عن حرامه ويبدلكم بالبيت الوسيع
وابشري بالذريه الصالحه الباره بك ان شاء الله

1- أم أسماء
على قولتج أختي الحل بيد رب العلمين ، والله يسمع منج ويستجيب لي دعوتج ، والله انا نيتي صافية تجاه الكل ، بس مالنا إلا الصبر ، والله يعطيج العافية

2- kilo
أشكرج على النصيحة الغالية ، إي والله لازم أستغفر ليل نهار علّ وعسى ان يتبدل حالي للأفضل وينفرج همي ، ومشكورة يالغالية

3- سعادتي برضا ربي
أشكرج على التنويه ، والله صدقيني أنا مو من النوع اللي يحن ويون ومخليته على كيفه ، بس على قولتك مابيده حيله ومابيدي إلا الصبر ، الله كريم ، ومشكورة حبيبتي

4- لامية
أشكرج حبيبتي على الكلام الطيب

5- لا تسرع الماء أمانة
صح اهو ماعنده إلا مبلغ يكفي بيت والمبلغ عنده ، بس منثر كل مكان يعني ( اكتتابات ) يعني يقدر ياخذ بيت اليوم قبل بكره بس اهو بارد في مسائل المعاملات وعلى سعته ،والحمدلله انه زوجي طيب مثل ما قلتي ، وشي أحسن من شي ، ومشكورة على ردج يالطيبة

6- أحلى انوار
يا اختي اهو مايبي يشيل يده عن اهله ، وانا مقدرة هالشي لأنه وحيدهم ، يعني ما يصير يهد الحريم بروحهم بدون محرم ، وما يصير مني أصير أنانية من ناحيتي وأصلا اهو مستحيل يسوي هالشي ، وعليهم بالعافية حبه لهم ، واهو اللي يدفع أجار البيت حتى من قبل ماياخذني وما يصير ياخذ بيت ثاني ، وابوي فقير مسكين مايعرف الا شغله وصلاته وصيامه وما يقدر الا انه يدعي لي

7- الشاعرية مشكورة عمري والله يستجيب لي دعائك ويسمع منك

أختي أنا عانيت من نفس المشكله وبالإضافه إلى ذلك إني أنا اللي كنت شايله البيت يعني أشتري أغراض البيت والكل جالس في البيت ومرتاح.بكيت حاولت أقنعه نطلع لأنه كان يقدر يطلع ولكن دون فائده ولكن مع الدعاء والتضرع إلى الله العالم بكل شئ فجأه بقدرته سبحانه جالي زوجي وقاللي أحس إنه حان الأوان لكي نعيش في بيت بروحنا .
أختي لا ملجأ ولا منجى منه إلا إليه سبحانه وتعالى ادعيه تصدقي صلي في الليل والناس نيام لعل الله يرحمك وتعيشي مع زوجك وولدك في استقرار.

معليش يالغاليه تحملي يكفي الصفات الحلوه اللي في زوجك
وانتي تحبينه وهو معاملته معاك كويسه وامه طيبه
وعندك ولد منه
اشياء الحين صارت قليل تجتمع في احد
وصدقيني اكيد زوجك مو عاجبته الزحمه لكن مابيده شي
ادعي ربك ان تتسهل امورك ويفرجها عليكم قريب ان شاء الله