عاوزة شعرك يطول ؟!
عاوزة تحافظى علي شعرك ؟!
عاوزة شعر صحى وجميل ؟!
ابعدى عن الشمس والحرارة والاستشوار والمكواة.. وتبعدى عن الصبغات بالذات اللى بتحتوى علي البروكسيد .. ممكن تستعملى الحنة لو حبيتى .
بلاش تشدى شعرك قوى وفي اتجاه واحد.. ده اكتر حاجة بتسبب فراغات في الشعر.. بصيلات الشعر بتأثر لما تشديه وبالتالى بيتساقط الشعر بعد كده.
بلاش تكتمى شعرك وتخنقيه وابعدى عن القبعات الضيقة.
شعرك زى الورد محتاج منك شوية اهتمام.. فلو بتعملى دايت متخليهوش يأثر علي شعرك.. اهتمى بنظام غذائى متوازن وركزى علي البيض وفيتامين د والأسماك والجزر والخضراوات والفاكهة باستمرار.
اشربي سوايل كتير وابعدى تماما عن أى قلق أو توتر..
كمان استعملى مشط خشبي يكون سنانه عريضة علشان يساعدك في ترطيب شعرك بسهولة وكمان بيجدد الدورة الدموية ويمنع كمان التقصف بس كده؟!
لاء طبعا ده كمان بنستعمله مدلك لفروة الرأس.
اشوفكم علي خير في موضوع جديد وأى استفسار زى ما اتفقنا انا تحت أمركم في اى وقت
موضوع مميز
