ابي رأيكم بسالفتي وتحطون انفسكم مكاني

انا سكنت بيتي الخاص بس بفترة الملكه كانت تقول لزوجي تخاف تجلس لوحدها ببيتها مع انه جنب بيتي وحوشنا واحد بعد وقالي وكذا وقلت مو مشكله تعيش معانا ، كانت تقول لزوجي لكم طلعاتكم وخصوصيتكم ومجربه وعندي بنات ابي لزوجتك مثل بناتي ، وبس عشنا الحياه الواقعيه تغييير كل شيء.

الله يعينج,,

سالفتك موغريبه ولانادره ..وحلها سهل جداً قوي شخصيتك بأحترام وحطي النقاط ع الحروف من أولها .
أمه ع العين والراس تتغدون معها وتتقهون قهوه المغرب او العصر معها فقط ...فقط
باقي الوقت انتي بقسمك او شقتك او غرفتك وحتى زوجك لو شافك كذا بيعرف انك حقانيه ...
قبل لايتزوجك شكانت تسوي اذا طلع مع اصدقائه او راح الدوام ترى كانت عايشه حياتها


توددي لها ساعديها بشغل البيت لو ماعندكم مساعده طلعوها معكم مره بالاسبوع والباقي لك حق انتي بعد
ممكن لو تبي تطلع مع ولدها تروح لوحدهم عشان تعرف انه مو كل شي لك وانه الول. بينك وبينها يعني خليهم يروحون لوحدهم يتقضون من السوبر ماركت
وخليه اذا قالت له تعشى معي يجلس معها عن خاطرها والباقي خلاص حياتك عيشيها بكيفك مو بكيفها

الله يسمع منك.

نتغدا ونتعشى بالبيت للحين تلفزيون واحد والله طول الوقت قاعده ع الاخبار لو شافتني ع مسلسل ولا شيء جات تقول حطي الاخبار او السعوديه الاولى !
وتتعشى وتجلس بالصاله معانا والله لو اجلس لثلاثه فجر بتجلس معي فاظطر اتعشى واجلس شوي واروح غرفتي .
بالضبط هذا اللي عجزت استوعبه كانت طوول الوقت لحالها لمن تزوج كأنه تغير الوضع وصارت تخاف تجلس لوحدها .
والله اقولهم يطلعون واجلس بالبيت ابي اوصل لها فكره اني مابلازمها ٢٤ ساعه بس لاحياة لمن تنادي ، اللي خايفه منه ان اللي هذا اوله ينخاف من تاليه .
وبالنسبه لشغل البيت انا شايلته كله ماخليها تسوي شيء .
بس ابي اسألك الله يسعدك اعطيني نظام يومي متى اقابلها واجلس معاها وكذا !؟. والله عجبني ردك مره عارفه ان لي حق اعيش حياتي مثل ما ابي ومن غير ما ارتبط بأحد او افقد خصوصيتي ):