ابي رايكم اخواتي الله يسعدكم

السلام عليكم .. عساكم بخير ياغاليات


عندي مشكلة قالقتني وابي رايكم فيها .. فيه وحدة من قريباتي عمرها حول الاربعين ومتزوجة وعندها عيال
مغرورة يا اخوات بشكل مو طبيعي وترفض رفض تام فكرة ان فيه افضل منها في شي مثلا اذا جلست في مجلس تحاول تقزم كل الحاضرات بالكلام عشان تثبت للحاضرين انها هي الافضل وهذا الشي خلاها تتشاجر مع الكثيرات في المجالس وبالتالي خلا الكثيرات ينفرن منها ويقاطعونها
واذا سمعت ان فيه وحدة في مثل سنها الله رزقها بمنزل واسع تغتابها وتحاول تبين للاخرين انها ما احسنت الاختيار وماتعرف ترتب بيتها
حتى اذا وحدة داعبتها وقالت ان فلانه اشيك منك تبتسم ابتسامة صفراء ووجهها احمر والغضب ظاهر عليها مع ان وضعها المادي والاجتماعي عادي جدا مثلها مثل غيرها مازادت عن الاخرين بشي
علما باني كثير من الاحيان اجلس معاها لوحدنا و انبهها عن تصرفاتها لكن تكابر وتحط كل العيوب اللي فيها في الاخرين وهي صاغ سليم لا وتعادي كل من ينتقدها