شاركي في النقاش

سجلي الدخول لإضافة تعليق.

التعليقات

42
  1. @lara_6

    إنسانة جديدة
    انتو لو ماتبغوني ببيتكم وتتعمدوا إحراجي وتحسسونا أننا أشخاص غير مهمين ولاتتكلفون بكأس عصير ليه يرجعوا يدقون ويتصلون ويقولون بنجيكم طيب!معقولة حسن نية اني مااكرم ضيف وابتسم في وجهوا. .معقولة عادي بناتها أول ماادخل يقفلو باب غرفتهم بوجهي !
    ما ندري يش سبب تعاملهم هذا ؟
    ممكن سوء خلق
    ممكن اهمال

    لكن انتي تقرري يا تطنشي وتستمري باستقبالهم واكرامهم خاصة اذا عيالك ينبسطوا معاهم.

    او تخففي من زياراتهم لك

    وفي كل الحالات لا تتكلفي باستقبالهم ولا تبغالي
    اكرميهم واحسني اليهم ببساطة.
  2. @bt_fdl

    حبيبتي هم يحبوا يزوركم لحسن استقبالك لهم جعله الله في ميزان حسناتك 🌺وهم يمكن طبعهم كدا اصبري عليهم كلها مرات متباعده الزيارات لاتكدري خاطرك
  3. مدري ليه حسيتك تتكلمي عن اهل زوجي هههههههههههههه حتى كثير مواقف ذكرتيها رجعت لي الذاكرة بأشياء قديمه كنت ناسيتها سبحان الله
    اهل زوجك هذا طبعهم مستحيل يتغير فتعايشي معاهم كذا ومشي امورك على هذا الاساس .. وتصرفهم مو مقصود ابدا ابدا .. ولا يكرهونك بس عادينك وحده من اهل البيت .. ترى لو يكرهونك ما زاروك .. ولا فتحو بيتهم لك .. لكنهم يحبو انفسهم بزياده ويحبون الرااااااحه وفيهم بروووود فلا تنتظرينهم يسوون لك شي او يعرفون وش تبغين ووش تفكرين فيه ولا راح يفهمونك اذا ما وضحتي لهم وجهة نظرك .
    كنت اتحسس اول زواجي لدرجة ابكي عند زوجي واشتكي له من تصرفات اخواته .. اللي صدمني اكثر ان زوجي يشوف تصرفاتهم عااااديه ههههههه طلعت انا اللي طبيعتي مختلفه و مقطعه نفسي عشانهم وشاغلين تفكيري ..عكسهم ..
    يمكن لأني متعوده ببيت اهلي على شي ثااااني ..كنا نحب بعض .. واذا احد من اخواني بيجي عندنا هو وزوجته والله كأنه يوم عيد من استقبالنا وفرحتنا .. حتى اننا نشوف انه من العيب تجي زوجة اخوي وما استقبلها او اكون نايمه ههههههههه ولازم الابتسامه شاقه وجهي حتى او هموم الدنيا فيني .. مدري وش نحس فيه من كثر المثاليه اللي مقطعتنا ..والله كنا نبديهم على انفسنا ..اهلي علمونا كذا حتى لو على حساب انفسنا مو مشكله .. بس والله كانت الزيارات لها طعم خاص ومحبتنا ولمتنا مافي مثلها ..الله على ذيك الايام .
    طبعا بعد سنين طويله فهمت طبيعة اهل زوجي وتأقلمت عليها والله انها صارت علاقتي فيهم حلوه عكس اول .. والاشياء اللي كنت اشوفها سلبيه فيهم صرت اشوفها عاديه جدا ..
    طبعا في بيتهم اخدم نفسي بنفسي ما انتظر احد يجيب لي شي .. حتى القهوة احيانا اصب لنفسي واتصرف كأني ببيتي... لأنهم عندي يسوون كذا ياخذون راااحتهم ع الاخر .. ترى مو عيب اذا اخذتي راحتك بالعكس.
    والقهوة عادي تتأخر حتى نتجمع كلنا مره وحده انا وسلفاتي او اخوات زوجي ونتقهوى مع بعض .. او اذا عندهم ضيوف ننتظر مانتقهوى حتى يوصل ضيفهم .. مع اني اكون جايتهم من سفر لكن الوضع عادي وما اشيلها بنفسي .
    واذا رحت لهم انا واهلي ( بحكم القرابه ) الاحظ امي تنصدم وتزعل من استقبالهم وفهمتها ان هذي طبيعتهم مو مثلنا والحمدلله تقبلت الوضع ..
    وهم لازم يجون بيتي كل شهر او كل شهرين لانهم بمدينه ثانيه واستقبالي كااااان اوفررررر ومبالغ فيه..واسوي اصناف كثيرة والقهوة والحلى ٢٤ساعه ومدري ايش .. والله مايطلعون من عندي الا وحيلي مهدود اجلس اسبوع ما ادخل المطبخ من كثر تعبي .. ومع الوقت صرت عاديه جدا واستقبالي بسيط اهم شي اكرمهم .. والله لاشعوريا صار طبعي مثلهم واحسني مرتاحه على كذا .. تصدقين اني اكتشفت انها ماتفرق معاهم اذا تكلفت لهم او كان الوضع بساطه .. والله الزم ماعلي راحتي النفسيه والجسديه بدل ما اهلك نفسي كلما دخلو بيتي ..
    وكلامي هذا ما يدل على كرهي لهم او كرههم لي لا والله علاقتنا ببعض حلووووه ماشاءالله بس يبغا لنا نفهم بعض فقط .. لأن هم مبدأهم البساطه .
    زوريهم ف الوقت اللي تحبيه لاتنقطعي عنهم بسبب حساسيتك.. اهم شي اقنعي نفسك انك رايحه لهم تغيري جو لنفسك فقط ..مو تدققي ع تصرفاتهم ووش حطولي ووش ماحطو وكيف شكلهم زعلانين او طفشانين .. عيشي مثلهم لنفسك وبس واذا طلعتي من عندهم انسي كل شي وراك وعيشي حياتك بطريقتك .. بتلاقين نفسك مع الوقت صرتي تطنشي ..
  4. صاحبة الموضوع
    صدفة حياه
    مدري ليه حسيتك تتكلمي عن اهل زوجي هههههههههههههه حتى كثير مواقف ذكرتيها رجعت لي الذاكرة بأشياء قديمه كنت ناسيتها سبحان الله اهل زوجك هذا طبعهم مستحيل يتغير فتعايشي معاهم كذا ومشي امورك على هذا الاساس .. وتصرفهم مو مقصود ابدا ابدا .. ولا يك…
    والله ماكنت ناوية ارجع للردود قلت الأغلبية قالت عني حساسة وقررت بيني وبين نفسي اراجع أسلوبي. .بس لما شفت ردك حسيتك فعلا بردتي قلبي وفهمتيني. .انااصلا اروح لهم في السنه مرة وانصدم في هالمرة اللي أزورهم فيهاوأمي زي امك بالضبط انصدمت منهم ومن استقبالهم . .لكن زي مانصحتوني ماراح اتحسس ححاول اطنش وأكبر راسي🌸شكررا لكم حبيباتي
  5. صاحبة الموضوع
    - ELHAM -
    يعني انتي مضايقك انهم يجون لكم مع سوء تعاملهم .. طيب هل في مجال انك ما تستقبليهم ؟ اذا منتي حابة فلاتستقبلينهم لكن اذا مجبرة لاي سبب فانتي اعملي باصلك خاصة وانهم ببيتك يحترمونك ومتادبين معك وهذا شي يسهل اكرامك لهم ، لكن مو حلها انهم زي م…
    انا مجبرة طبعا لأن زوجي رح يزعل مني

تابعي تجارب أخرى من هذا القسم.