قراري الاخير . توصياتكم وكلامكم

اختي الله يفرج همك.. اذا عندك امل يتوب وترجعين له فلا تتركينه الحين! لان لو رحتي وقلتيله ابيك تتعالج بيجيك بعد مدة يقولك تعالجت وانتي ماتدرين صدقه من كذبه!!


عندك خيارين:
١- تستعينين ب نبراس مثل ماقالت الاخت وهم يعالجونه بسرية تامة وانتي تبقين ببيتك.. وهنا تحطين احتمال ان ممكن ينكشف انه مروج وتتدخل الشرطة والنتائج قد لا تكون مرضية!!


٢- الانفصال.. تروحين لاهلك بدون تخبرينه اي شي ولما توصلين تقفلين جوالك.. ولا تتواصلين معه ابد.. وتكلمين محامي وترفعين قضية خلع ونفقة وتورينهم الاثباتات اللي عندك..
وتذكري اختي.. ان من ترك شيئاً لله عوضه الله خيراً منه.. يعني زوجك مدمن ويبيع بعد.. ويمكن انه يوكلكم من مال حراااااام.. غير فساد عقله اللي ممكن يأثر عليك وعلى مستقبل عيالك..


ولو تكلمين مستشار أسري فهذا أفضل.. الله يختار لك الخيرة الطيبة..

مدمن + مروج +شكاك
وبعدين تقولي رجال بكل معنى الكلمه !!!!!
هذا بلوه مو بني آدم ومافيه من المرجله ذره
المهم الله يعينك
وزي ما قالوا البنات روحي لاهلك وارسلي له انك تبغين الطلاق لهذا السبب وبسس
لا تطولينها وهي قصيره
ولا تسوين خلع
انتي متضرره علي اي اساس تدفعين له بعد !!
يطلق وهو ما يشوف الدرب الله لا يرده
خرب نفسه وخرب عيال البلد

اختي شوفي هذا موقع مركز استشارات اسرية..
تقدرين تكلمينهم او ترسلين استشارة الكترونية
الإرشاد الالكتروني | جمعية المودة


الله ييسر امرك يارب

معها


واستخيري

رجال بمعنى الكلمة وهو يشكك في عرضك وشرفك ؟؟؟ ترى موب كل مره بتسلمين منه وتعدي على خير يمكن في يوم يذبحك في جريمة شرف من صنع خيالاته وسمعنا قصص كثيير زي كذا