تدمرت نفسيا

عليكم السلام ورحمة الله وبركاته ،
ياختي دامه تاب ليش تكررين السالفه.
فعلاً انتي راح تخربين بيتك بيدك.
وبيكرهك لو تحمل عشر مرات مية مره
راح ينفجر بالنهايه
الله غفور رحيم. وانتي قاعده تعيدي وتزيدي بذنبه.
وبعدين مو قصة انك مقصره.
هي زله من الشيطان وقولي الحمدلله ماطول
بالطريق هذا. وصدقيني لو هو مستمر بالطريق هذا ماراح يطلب منك تستقرون عنده
طلعي الموضوع من راسك انشغلي بحياتك
عباداتك عشان نفسك بالمقام الاول
ثم عشان تكون سند لك بالحياه
وطبيعي جداً ان ذكر الله سبحانه يريح النفس
ويطمن القلب. لا يفتر لسانك عن الذكر
سبحان الله. الحمدلله. لااله الاالله. الله اكبر.
حددي لك ساعه باليوم اقري قرآن تدبيره
بيعالج البعثره اللي موجوده بقلبك
صلاتك حافظي عليها بخشوع
تجبر كسر قلبك وبتلقين الراحه فيها
ادعي بسجودك بصلاح لك ولزوجك وعيالك
انشغلي عن البحث والتفكير بالامور السلبيه
انشغلي عن هالامور بالي يفيدك بأمور دينك
ودنياك جددي بيتك واطفالك العبي معهم
اطلعي غيري جو ولو كان مو موجود
اهتمي بصحتك وجسمك وبشرتك عشان نفسك
فكري كيف تجددين طلتك بعدما يرجع زوجك.
هالامور بتسعدك بالمقام الاول ثم بتسعد زوجك
لا تتركين مجال لشيطان يخرب بيتك
ولا تعيدي وتزيدي بسالفه
اذا حصل بينكم مشاكل مو ترجعين وتفتحين
الملفات القديمه انتبهي من الشي هذا.
اكثري من قول لا حول ولا قوة الا بالله.
ابتعدي عن الشك نصيحه
" لانه مقبره للحياه الزوجيه "

جزاك الله خير
ربي يسعدك

نصيحة اختي لا تفكرين بالطلاق أبدا
استوقفني كلامج عن رؤية شافها زوجك بالمنام ع شكل عين
يمكن عين وصابتكم
وارقي زوجك بالرقية الشرعية. خليه يشرب ماء مرقي دايما
والله يألف بينكم ويزيدكم سعادة وود

جزاك الله خير اختي
صدقيني احس مخي لما يجي التفكير بهالسالفه يتقفل لين ماتصير المشكله بعدها اندم
انا اخطط واهتم بنفسي وأغير بطلتي لما يجي بس هو يقول ارفقي بنفسك انتي جالسه تتعبين كل ما اجي وانتي مسمره وناحفه مع اني احس العكس
كل مره اقرر انسى الموضوع واهتم بالبيت والأولاد الا ما انتكس وارجع افتح الموضوع كيف ماعرف لكن الله يفرجها

أهلا وسهلا اختي
انا أحلامي اغلبها تدل على ان فيه شي حتى من قبل هالموضوع ومن قبل اجيب أولادي لكن زوجي ماكان يصدق الا لين هو بدى بتعب وتصير معه أشياء غريبه
انا قبل كشفت زوجي يشوف مقاطع وكشفت عنده إضافات بنات بتويتر وبالانستقرام طبعا حلف انه اَي احد يطلب اضافه يضيفه لانه مايعرف لهالبرامج وفعلا ماله مشاركات كثير بهالبرامج ومن زعلت حذفهن كلهن مع آنه مسوي الحسابات من قريب المهم اللي ابغى أوصله اني ما انفعلت بهالشكل ولا سويت مشكله كبيره زعلت يومين ثلاثه ورجع مل شي مثل ماكان لكن هالموضوع مدري ليش توقفت عنده سنه كامله ممكن عشان الظروف وانه بعيد عنا وممكن فعلا فيه شي مو طبيعي