شاركي في النقاش

سجلي الدخول لإضافة تعليق.

التعليقات

119
  1. صاحبة الموضوع
    دموع الرياض66
    مده علاجك غير كافيه للمرض وان اعراضه تزول يعني يبيلك من ٥ سنوات الى ٧ سنوات مو 10 شهور واذا خلال هالفتره مريتي مره حمل وولاده تنتكسين ! وانتي تعرضتي للضغوط منها لزوجك وابوك ونفسك ماتقبلت الصدمه وشعور بالخيبه والحيره والشك المفروض لم…
    ماعتقد ان راح تتطور الحاله لهلاوس لان كانت حالتي صعبه جدا ورغم هذا الحمدلله ماتحولت ولاتطورت والآن انا بفضل الله اعيش حياتي بشكل طبيعي الا قبل العذر الشرعي احس بضغط وهذا الوقت اللي تصير فيه المشكله مع زوجي انا اخذت العلاج سنه ونص مو١٠شهور وماعتقد احد يقدر يتحمل ياخذ العلاج النفسي اطول من هالمده
    وبالنسبه للحجامه عملتها مرتين صدقيني من خلال تجربتي عرفت ان مافيه علاج مثل العلاج بكلام الله من جد يطرد الحزن والأفكار السلبيه والهموم لكن متى يجي الوقت اللي اقدر اقرر احط حد لهالشي اللي قاعد يصير مثل المره اللي راحت يعني حاليا انا ضعيفه جدا ومو قادرة أبدى غير بشكل بسيط اقرى البقره لكن مو بشكل يومي الى الان ماقدرت احافظ على الأذكار بشكل كويس
    انا دخلت منتدى نفسي مدة سنه كامله وانقطعت سنتين كنت اتواصل مع ناس يأخذون العلاج النفسي ورجعت بعد سنتين ولقيت نفس الناس باقي يأخذون العلاج وباقي يشتكون من الانتكاسات ومن الأعراض الجانبيه للعلاج وكتبت موضوع كيف تخلصت من حالتي لانهم سالوني عن حالي فحبيت افيدهم مثل ما استفدت رجعت بعد مده لقيت ناس تدعي لي لانهم استفادوا
    انا ما اقلل من شأن العلاج النفسي لكن احسه يأخذونه الناس الميؤس من حالتهم واللي مو قادرين اللي حولهم يسيطرون عليهم مثل مرضى الذهان والفصام
    انا بفضل الله رغم مامر علي من حالات غريبه عجيبه واحاسيس قضيعه لكن الحمدلله ولا مره حسّيت بهلاوس من اَي نوع وانا قدام الناس انسانه طبيعيه جدا واحسن بعد من الطبيعيين حتى زوجي يقول لو مو عايش معك ولو ماتشتكين ماكان عرفت ان فيك شي
    وبالنسبه للعلاج الاول اللي اخذته اللي خلاني جثه صرت أقوم اطالع بالناس وأروح بنومه غريبه يصحوني اصلي واكل وهذي حياتي أولادي ما ادري عنهم عشان كذا تركته ممكن فعلا احتاج علاج نفسي لكن احتاجه كامهدئ مو كاعلاج لاني عرفت العلاج الحقيقي و العلاجات النفسيه وخصوصا أدوية الاكتئاب اسميها المفرحات لانك تكون مبسوط طول الوقت حتى لو حولك مصايب مانت حاس فيها
  2. @dmoaa_alryad66

    fofo85
    ماعتقد ان راح تتطور الحاله لهلاوس لان كانت حالتي صعبه جدا ورغم هذا الحمدلله ماتحولت ولاتطورت والآن انا بفضل الله اعيش حياتي بشكل طبيعي الا قبل العذر الشرعي احس بضغط وهذا الوقت اللي تصير فيه المشكله مع زوجي انا اخذت العلاج سنه ونص مو١٠شهور …
    اوك انتي فيك اختلال بالانيه وهي تسبب الهلاوس ومن ضمنها التشكييك بالالهه مع الوسواس والاكتئاب يعني كم مرض مع بعض لو انك جلستي مده كافيه بالعلاج والله العظيم مانحصلك كتبتي هالموضوع مشكلتك انك حاولتي تعوضين العلاج بطرق ثانيه القرآن اساس بس معاه العلاج النفسي ضروري لك اما القروب النفسي وللحين يتعالجون بس اذا تركوا العلاج ماراح يحصل لهم انتكاسه مثل الحين انا قلت لك علاجك من 5سنوات واكثراللي يشوفك يقول طبيعيه اي تصرفاتك طبيعه بس من داخلك منتهي عدم !واحنا ناخذ القوه من الداخل !ومن قالك ما احد يقدر ياخذ العلاج النفسي اكثر من هالمده !!!!مدتك ولا شي بالنسبه لاعراضك وهذا انتي في اضعف حالاتك !بصحح لك المعلومه فيه ناس طول عمرهم يعيشون ع العلاج !وحياتهم طبيعيه جدآ الحبوب النفسيه اخف من موانع الحمل واعراضها الحبوب النفسيه فعاله جدا بس اللي يخاف منها او يحس انها ادمان ماراح تنفعه العلاج النفسي هو مهدئ !بالاخير انتي حبيبتي مثل غيرك تزعل وانا طيبه ومافيني انا لما اسأل واناقشه واصحح بعض المفاهيم ابيك تعيشين بإفضل حال واحاكيك كاخت عشانك كذا جالسه ارسم لك طريق الشفاء بعون الله وتوفيقه انا ما ادري ليش خايفه من العلاج النفسي وطول مدته !ذكرتيني بوحده جاتني تقول يلا خلصتني في ٤ شهور قلت ليش قالت عشان زوجي مايعيرني ويتزوج علي وش الفايده انه مايتزوج وانتي مريضه طايحه !اتمنى تأخذين كلامي بالاعتبار عذرآ ع الاطاله 🌸والله يمتعك بالصحه والعافيه 🌸
  3. @roro_mimi

    الله يعطيك الراحة والسكينة في حياتك الزوجية ان شاء الله
    الخيانة مرة صعبة لانها تدمرك وتخليكي مهلوسة كل الوقت وتطرحين اسالة اذا كان يحبني ليش خان او انا ايش تاقصني وايش الي عند قاعد يراسلهم وصدقيني مو انت اول ولا اخر وحدة يصر معاها زي كذا لو جات كل امراة تتطلق بسبب الخيانة كان كل العالم مطلقة ماراح اقول لك اصبري عشان اولادك لانو هدا كلام تافه انت عارفة ايش الافضل لاولادك انو يعيشو فجو متوتر ولا الفراق اهون بس حطي دايما ايجابيات زوجك قدام عينيك وحطي سلبياتك انت لانو دايما في العلاقة بنحط العكس ونحسس نفسنا انو احنا ملائكة انا ماقول انتي غلطانة فشي والخيانة صعبة لانو لو انتي سويتي الشيء الي سواها كان راح تشوفي الي مايعجبك حنس الرجال يغفرون كل شيء الا خيانة الزوجة بس احنا العكس نغفرها ونسامح ونتعايش وهكذا تربينا وهكذا مجتمعاتنا و الخيانةابدا مودليل على انو انتي فيكي عيب لانو قريت دراسة قبل فترة وحطو فيها مجموعة من الرجال واسجوبوهم عن سبب خيانتهم الي قال ملل من العلاقة والي قال زوجتو مو سبب بس نزوة عابرة كل واحد حط اسبابو بس الشيء الي اجمعو عليه هو ندمهم بعد الخيانة بما انو خيانة زوجك ماوصلت للحد الجسدي وكلو كلام فحاولي تنسي وجددي حياتك وجددس من نفسك وخليكي ايجابية ولاتفتشي ابدا في جوالو لانو ابدا ماراح تستفيدي ولاشيء حتى لو منعتي منو الجوال نهائي هو في النهاية رجل واذا حط فراسو يخونك راح يخونك بس انتس ماتخليلو مجال يخونك اذا غيرتي من نفسيتك وحياتك وخليتي نفسك ايجابية ونسيتي الي حصل واتمنى من الله انو يجمع مابينوكم على خير ويهديكم لبعض.
  4. @alsyd_shmaah

    حلك الوحيد تدخلين الخوف من ربي في قلبه جيبي له قصص نهاية الخائنين انتي قوليها مو تقرائينها تكون نموذج لا ملحي وبهري فيها وحطي نهايتها معقوله مو اوفر
    الصلاة لاتسكتين على تركها ابدا والله انها كانت بيني وبين زوجي حرب عليها بس هو قوي وذكي وانا ضعفت وماني بمستوى ذكائه علشان اقنعه او هو ماخذ عني اني غلطانه ما افهم شي


    بس انتي واضح انك ذكيه لاقوه اللا بالله دخلي الدين بقلبه
    اي خائن مابيبعده اللا القناعه والرقابه الداخليه اللي هي رقابة الله او تقوى الله وابدأي بنفسك وحجابك وصلاتك ولاتسكتين ابد عن اي معصيه والله يوفقك
  5. @faith_5

    يافوفو انتي تحبين زوجك ومستحيل تبعدين عنه..
    وبصراحه اللي مخليك متماديه معاه طيبته، لو غيره سوالك مشاكل وماسمحلك سنه تعيدين وتزيدين وتشكين وتقلبين الحياه نكد..


    ومهما كان طيب باسلوبك ذا بتهججينه من حياتكم وبتخليه ياانه يبعد عنك او يفكر في الزواج يعني باختصار استمرارك في هذا الاسلوب بيخرب بيتك..


    زوجك ماهو ملاك ولا ارتكب فاحشه يمكن غلط وتمادى بس تظل مميزاته اكبر من اخطائه..


    ويمكن اللي صاير من الفضاوه لانكم بعيد عنه فحاولي تنقلين عنده باسرع وقت..


    انا اتذكرك واتذكر مواضيعك اللي قبل وزوجك يحبك وصبر عليك كثير بمرضك فاقل شي مقابل اللي سواه معاك تسامحي وتمشي وتحاولين تتقربين منه اكثر علشان مايخرب بيتك..


    وادري اللي سواه يجرح بس ترا مايخرب بيت دام انه في اطار الجوال وماخرج للتطبيق، ومافي ملائكه كلنا ممكن نغلط واغلب الرجال لهم زلاتهم..


    يمكن كلامي قاسي بس علشان مصلحتك، وسنه كفايه وزياده ع العتاب والشك..


    بالنسبه لمرضك انا انصحك بنصيحه وحده، انتي كذا ولا كذا تدعين وتقراين القران وربي منعم عليك ماتحتاجين نصيحه، اقرنيها لقط بالدعاء انه ربي يجعل شفاءك في الدواء وانه مايكون له اعراض جانبيه، وكل مااخذتي حبه استودعي الله..


    انا اشوف الادويه النفسيه ترجع التوازن للشخص واتكلم عن تجربه شخصيه..


    الله يفرج همك..

تابعي تجارب أخرى من هذا القسم.