حياتي ع المحك

فعلا الحمدلله يمكن خلتني اكثر حذر هالزواجه شحرا لك من القلب

لاحول ولاقوه الا بالله
الله يصبرك ويعوضك يارب
دايم ادعي بكل صلاه ان ربي يقويك ويعينك ويثبتك
عيشي حياتك ولاكأن عندك زوج اخرجي تونسي فليها اهتمي بجسمك اصبغي قصي ادخلي نادي
لكن لاتجلسي تأكلي بحالك كذا والله ثم والله محد خسران الا انتي وصحتك
يارب يارب يارب حياتك تصير احلا واحلا

استغفرالله واتوب اليه

انا مثلك ياميم تزوج وحدة اعرفها ودخلت بيتي واكلت وشربت معي واول ماطلقها زوجها لفت على زوجي واخذته صح هو غلطان انه طاوع اهلها واخذها لكن هي بعد خاينة دام اهلها بيمشون ويخطبون لها كان دوروا واحد ما يعرفون زوجته لكن الحمدلله ربي ماترك حقي

السلام عليكم ورحمة الله وبركاته
اول مشاركة رد سجلت عشانك ولاني جربت الجرح والخذلان ربط الله على قلبك
انتي في صراع داخلي والي حولك عايشين حياتهم
اولا ً انتي من نفسك ماتبين الطلاق لاتعلقينها انو السبب اطفالك لا السبب قلبك تحبينه ولا ترا كسرة خبزة بتعيشك
انتي الي راح يعالجك الاستقرار المادي عشان توضح حياتك وتاخذين
مسار جديد اما بالاستمرار او الانفصال
توظفي بشهادتك او اي مجال اخر
بنفرض زوجك رافض الحل هنا تجلسين معه بالحالكم
افتحي له قلبك اول شي قولي له انت خذيت بخاطر الناس ومجتمعك انكم اعمام كفو ماتخليتو عن عيالكم
الحين انا وين قدري وين مكاني عندك انت يوم تزوجنا وهبتك نفسي وقلبي وعمري معك وصرت ام فلان وين قدري انا ام فلان دست علي وكأني تمثال عندك لا يحس ولا ينوجعك اموت وينعصر قلبي ليه هذا كله ألا من وراء حبي لك واني مانسيت العشرة
لو اقدر على الفراق كان من اول اسبوع رحت انا احبك
الحين انا ابي قدري عندك يبان ابي تسعئ وراء وظيفتي دور لي وظيفه دور واسطه ابي احس بوجودك ابي سند وعز منك ابي موقف اسند روحي فيه في غيابك اقول ابو فلان هو السبب في وظيفتي وعزي ابي احس بهيبتك في قلبي بدل الألم والانكسار ذبل عمري وانا في شبابي ابي نرجع انا وانت مثل قبل يوم تزوجنا عيونا حب واحتواء خلني انشغل بوظيفه واطرد الحزن منه والم ابي زوجي يرجع وابي نفسي ترجع خلك سند يمناي ولا تكون انت والمجتمع علي لاهو من فقر فيك ولامن جوع كل الحكايه ابي قدر منك وابي اشغل نفسي وانسئ وجع قلبي
قوليها له من غير صراخ بمنطق وعقل اذا ماقدرتي اكتبيها وارسليها وهو عندك يقراها ويمسحها
وقولي له موضوعي بيني وبينك ربي شاهد عليه ماتفتحه لاحد كان ولا تسمع شور الناس ابي قلبك يلبي لي مثل ماقلبي كل يوم ينوجع وينعصر الم وقهر ابي منك موقف سند ماانساه في حياتي
الله يشرح صدرك وينور دربك