امي و الخطاب.

سبحان الله العظيم ،،، هذي تعتبر حاله مرضية غير طبيعية ،،، بدليل ان الخال اصر على اخته تزوج بنتها وما راح الا بعد ان تمم زواجها ...

من خوفها الزايد عليك يمكن من تجربة شخصيه مرت فيها او علشان انك وحيدتها ..الله يطمنها و يقر عينها بشوفتك عروس بزوج صالح يكون رجل بكل ما تعنيه الكلمه و يكون ابن لها مو بس زوج بنتها يارب

امين 🤲🏼 واياك حبيبتي

امك تحبببك ماتبيك تفارقينها ، لكن تكلمي معها بالموضوع بكل صراحه وقوليلها انك كبرتي وخايفه تعنسين وان ودك ببيت واطفال ..

عليكم السلام ورحمة الله وبركاته.
الردود اللي يقولون امك تحبك ؟!
يعني حاجه ماتعرفها هي مثلاً ؟!
اكيد ماعندها شك بمحبة امها لها.
بس انتبهي من الحب لا يتحول لتملك !
تعرفين هالشي
امك تحبك ماقلنا شي وماقصرت بتربيتك
بس اذا تقدم واحد كفو ورفضته امك
عشان اسباب تافهه
وماعنده سبب حقيقي ينرفض عشانه
هنا لازم تتكلمين بكلام جد ومو كلام
خايفه فيه ومتردده
قولي ياامي كل مره ترفضين خاطب
والاسباب تافهه اللي ترفضينهم عشانها
ترى مو كل مره بيتقدم شخص كفو.
بعده الناس بتاخذ فكره ان هالحرمه
ماتبي بنتها تتزوج وماراح احد يتقدم لك
لازم تحطين حد لشي هذا
ماعندك احد يكلمها خلاص انتي قومي
بالمهمه تزعل امك يوم يومين وبعده تشوفك
سعيده بحياتك وتقتنع.
بس تبقين ع نفس الحال لا كذا غلط.
العمر يمر بسرعه اليوم 26 وبكره 30
وكل فرصه تقولك يجيك واحد افضل
لين بالاخير تلاقين نفسك ترضين باي احد
عشان تشوفين عيالك.
طمنيها انك ماراح تنسينها قولي مستحيل
انساك بس خليني اتزوج وتشوفين عيالي
انا الحين بعمر مناسب لزواج
ماني بالثانوي او الجامعه
دام تقدم الكفو خلاص انتي اللي بتتزوجين
خليك ع كلمتك. وقولي انا استخرت وارتحت
وخلاص موافقه ولا تعطينها مجال ترفض.
لان مالها حق بالشي هذا
واللي بيتزوج انتي ،
لازم نعرف ان الواحد له حدود مهما كان قريب
لنا وقريب لقلوبنا سوا اب او ام او اخ او اخت
او زوج او عيال ،
مهما كان الانسان له اشياء شخصيه
ماحد يقررها بالنيابه عنه ،
واذا سويتي هالشي مو معناتها انك زعلتي
امك او قصرتي معها
هذا شي يخص حياتك قرار شخصي
وماانتي صغيره عشان تقرر عنك
خلاص وصلتي عمر وتخرجتي وعرفتي الحياه
خلاص قرارك بيدك وماحد له حق يجبرك ع شي
وحاولي تتواصلين مع ابوك مو بس عشان
زواجك
انتي اللي لابد تسألين عن ابوك
لين يميل لك ويهتم فيك
ابوك مشغول بحياته مثل اي انسان راح بحياته
بس ذكريه فيك واهتمي بالاتصال عليه
وتطمني عليه وبعده افتحي معه الموضوع
مو بضروره الاهتمام يجي من ابوك
انتي اهتمي بالاتصال فيه واسألي عنه
وسبحان الله ماتدرين لو يصير قريب لك
والسبب تواصلك معه.
وهالشي مايقلل من قدر امك
اكيد قايمه بحقها ومهتمه فيها وماتحتاجين
اذكرك.
موفقه