مواقفكم اللي ماتنسي بعزايم رمضان 😩😭😑تعالوا اقول لكم موقفي

يوووه موقفك الاول بعذرك مفرو ض زوجك يعلمك بدر ي

هذا موقفي كنت بس انا وعيالي وزوجي ومسويه قدنا كم حبه سمبوسه وبيتزاء صينيه وسط وصينيه خليه
واصلا ماصحيت الا العصر ودخلت المطبخ بعد الصلاه
بعدين صحى الباشا يصلي وشاف جواله الا اخوانه مرسلين فطورنا عندك 😑😑 وهم كثار مع عمال لان كنا بمدينه ثانيه وهذي فيها موسسه لهم ..
جا شاف المطبخ لقى كل شي قدنا بس وهم ضروري شوربه ومكرونه ..المهم علمني ولا ماعلمني طارت شياطيني مدري وش يمديني عليه .. كتبت النواقص له في ورقه وراح بنده.. طلعت ع السريع اجهز قسم الرجال واشيك عليه . . ورجعت فرمت بصل وطماط واللحم اشوى كان موزع وحطيته بقدرين واحد لشوربه و2 مكرونه .وشبيت عليها الناروجهزت القهوه والشاهي والعصير والفمتو والكاسات والتمر ووزعت القشطه ..ونا صايمه وحرر بغيت اموت اركض م احس برجولي ..طبعن رجع معه فطاير جاهزه وسمبوسه جاهزه ومويه
واشوى قدرت اجهز السفره قبل م يجون
بس منجد موقف صعب وارهاااااق م انساه

الحمدلله ماقد جربت ولا حصل لي شي محرج لاني ماقد طبخت عزايم 😅😅😅

اذكر اول ماتزوجت سويت فطوري على قدي انا وزوجي افطرنا وصلينا واخذت لي غفوه ماصحيت الا من زوجي يقول قومي الجرس يدق وربي بغيت اموت الا ام زوجي وسلفتي وانا بلبس النوم ماادري افتح والا اروح البس المهم فتحت لهم ودخلتهم ولا كان عندي شي اقدمه طلعت لهم قهوه وتمر وشاهي وفواكه😂وزوجي راح جاب معجنات من برا الحين الحمدلله صاروا يدقوا قبلها بيوم

اما الحريم وش يحسون فيه يطبون على الحرمه بدون عزيمه ..

عمري مارحت عزيمه وراعيه البيت م دقت علي ماعلي من عزايم الرجال .. واذا وجبت لها اعلمها اني بجيب معي صنف يالقيمات او سمبوسه
واذا عندي خدامه ارسلت لها تساعدها