قلت الي بقلبي لاخوي اقصد كتبت

ماراح اكون مثاليه معاك .. واقولك امك . واقولك صلة رحم ...
بقولك شي ... الله يعلم مافي قلبك ويعلم وضعك ويعلم حالتك . لاتشرحين لنا شي . انسي اخوانك وانسي امك وانسي الماضي ...
عيشي لاطفالك لحياتك . واحمدي الله اللي فكك ونجاك ... ولد خالة ابوي ابوه طلق امه . وامه تزوجت وحذفته . وابوه تزوج واحذفه . وعاش يتيم . والله انه يكسر القلب . وسبحان الله تعرف على شباب صايعين وراح بطريق المخدرات . واختفى عن العيله كلها .يوم سالت اخواني عنه قالو انه متوفي بسيارته محد يدري . وبعدفتره قالو انه بمستشفى يتعالج عن الادمان . والله محد يدري ارضه وين ....امه عندها عيال وبنات ..وابوه عنده عيال وبنات.... كلهم عايشين حياتهم بس هو ضاع الله يرحمه حي او ميت ....


قولي حمدلله ربي تولاك برحمته . وماجعل حاجتك عند احد . اغناك عن اقرب الناس لك . وهذي بحد ذاتها نعمه .اشكري الله عليها حتى يزيدك بالشكر تدوم النعم .
لاتعاتبين احد. ولا تفكرين باحد. كم ساعه راحت منك وانتي تبكين ؟.. بالمقابل هم يضحكون ...
مافي شي يستاهل تجلدين ذاتك عشانه ....


شوفي معاي . الله عوضك . لكن لو ماعوضك الله .كنتي الان بوضع ثاني . يمكن للحين تعيشين تحت رحمتهم . الله تولاك برحمته . ورزقك وظيفه . واعطاك ذريه . واعطاك اشياء يمكن هم يتمنوها . لاتكونين ضاجره بحق النعم اللي تغرقين فيها اليوم . وتفكرين بالماضي التعيس .


خلاص الماضي اخذ حقه منك وزياده .ليش تخلينه ياخذ من حاضرك . حتى اطفالك يتؤثرون . يعيشون انكسارك .. اي غلط واجهتيه مع امك وابوك تجنبيه مع اطفالك . اسعديهم واسعدي معهم . عيشي بعد ذكر الله وطاعته لهم .


منو امك عشان تاخذ كل هالجزء الكبير من دموعك . حملت وولدت . وحذفت . خلاص . شي انتهى . ليش تقعدين تجلدين ذاك امي حذفتني . صح هي حذفتك لكن الله جل جلاله تولاك برحمته .،..


اخوانك جوعوك وحرموك من الاكل. لكن الله جل جلاله اغناك ورزفك وظيفه تاكلين وتشربين بدون ماتسالين الناس يعطونك شي ...




الانسان اذا يتذكر نعم الله ويحمده عليها . صدقيني يعيش براحه .. لكن تقفلين على نفسك ابواب النعم . وتفتحين ابواب النغم والضيق والماضي مايصير . تقلبي بنعمة الله واحمديه واشكريه ..


انه رحم ضعفك وتولاك ورزقك بعد فقر .


حتى الضحك اللي كنتي تردينه لاخوانك يوم يعذبونك .هذي نعمه من الله انه يشوفونك مبتسمه وضاحكه ومايهمها الظلم كان ضحكتك تقول لهم الله بينصرني .....


عيشي حياتك . وحبي نفسك فقط . وحبي اطفالك . وتمتعي بالحياه . وكل ماجاتك الوساويس بالماضي . انفثي واتفلي عن يسارك.. وقولي لنفسك حمدلله ربي عوضني واكرمني . ورددي الحمدلله . بالشكر تدوم النعم ي الغاليه ...

انسيهم واحذفيهم من حياتك
لا تتعبي نفسك بالعتاب وتتذكري الماضي
امك كانت تضربك
اغلبنا انضرب يا اختي ضرب مبرح في ذاك الزمن
خلاص تقبلي امك بكل أخطائها ما دامت تغيرت معك
حتى احنا ملزومين نتقبل اولادنا بكل مشاكلهم
حاولي تنسي الماضي وشوفي الجانب المشرق من حياتك اللي هو الحاضر ..الحمدلله تزوجتي خلفتي درستي تخرجتي وعندك شغلك

وعندك نعمة الصحة ..احسن من غيرك بكثييير
انا انصحك تستعيني باستشارية نفسية
تساعدك تتجاوزي الماضي

صدقيني ماراح تتحاوزين هاللي انتي في اللي بمساعدة طبيب نفسي..
لا تتأخري ولاتترددي، العلاج النفسي راحه وسبب من أسباب استعادة النفس توازنها..


احس مها تكلمنا وواسيناك وعدنا وزدنا مستحيل تقدمين خطوه وانتي بهالنفسيه..


الحقي نفسك علشان عيالك وعلشان حياتك وزوجك، وعلشان اللي بين يدينك الان ماتفقدينه..


التعب النفسي يبدأ صغير بعدها يكبر،. استخيري واستعيني بالله واسألي عن دكتور او دكتوره شاطره في منطقتكم وروحي..


ولا تتحسسين من كلامي انا مريت بظروف صعبه واستخدمت دوا اكتئاب في فتره من حياتي والله والله انه نفسيتي انقلبت ١٨٠ درجه واقبلت على الحياه وصار تفكيري إيجابي وارتحت بطريقه ماتتخيلينها، والان لي فتره تركته بس لو احتجته ماراح اتردد ابدا..


والله كلامنا وطبطبتنا مالها فايده والعلاج النفسي هو اللي يساعدك،
الله يشفيك ويعافيك يارب..

يعني ناس كبار ماهم من عمرك وش بقى من العمر تبينهم يحبونك انسي
خلاص التفتي لولدك ولنفسك وبس تعاتبينهم الا إذا تحبينهم ع ايش ع الضرب ولا الحب والطيبه اللي معطينك

وطيب ليه مخليين هالبنت بهالعذاب
زوجك وينه يشيلها منه