`·.¸¸.·´´¯`··._.· مجرة الزمرد..و بدأنا العد التنازلي للولادة..أمهات أكتوبر`·.¸¸.·´´¯`

راعية مبدأ

هلا والله
أنا هالأيام أخفف وداخلة أنا وقوارير مسابقة نجمة عيد الأضحى.. تخفيف ومشي سريع نص ساعة كل يوم..
والله يعين.. المشكلة الوزن صار له أسبوع ثااابت مب راضي ينزل..

قبل الحمل كان وزني 70
نهاية الحمل وصل 79
بعد الولادة مباشرة 73
في نهاية النفاس 71
الآن 68.5
والله يعين..

أم شمونة
رديت عليك قبل ساعة بس طار الرد..

يويو الحمد لله بخير أحسن من أول الحمد لله.. أحس من يوم كمل 7 أسابيع تغير وقل صياحه شوي..
المشكلة أنه من يوم ولد وهو مزكم وبلغم وكحة يكسر الخاطر مسكين..
وعطاه الدكتور قطرات الملح وقطرة للبلغم اللي يسبب الكحة.. وقطرة للمغص لأن الغازات عنده كثيييرة مرة مسكين..
وأنا شريت له شاي بابونج وارتاح عليه الحمد لله وغيرت حليبه أيضاً الظاهر ما قدر يتحمل اس 26 لأنه صغير.. عطيته سيميلاك والحمد لله ارتاح عليه..
لكن لازال معه هالبلغم وأنفه مسكر.. وإن شاء الله يطيب قبل البرد الشديد..

الأسبوع اللي فات تعبت مرة بغيت أنهار من كثر صياحه طول الليل.. شي عجيب الله لا يوريك يصيح بكل قوته تقولين كأنه مذبوح.. كأنه بيموت من الألم.. مب صياح عيالنا العادي.. لا وجهه يحمر ويزرق ويغشى من كثر ما هو معصب ويصيح بقوة.. والله حتى صوته ضعف وبح مسكين..

لكن أشوفه من يومين الحمد لله صار أحسن.. وأنا صارت نفسيتي أحسن معاه الحمد لله..

الله يساعدكم ويفرحكم

الله يعينا يارب
يارب على هلتعب يكونون بارين فينا