مرت اخوي وولدها

هي كيف اهتمامها بنفسها وبزوجها وفي بيتها؟؟
يمكن من الاساس الحرمه رفلى ماهي من اولوياتها هالاشياء
يعني اخر همها يكون مظهرها مرتب والا مظهر زوجها وبيتها
اخر همها بيت نظيف
اهم شي تطلع توسع صدرها تلقى سوالف ووناسه
الاكل الله يسلم المطاعم

اذا اخوك راضي ومعجبه الوضع ومبسوط منها فمااظن بتتغير ،
احيانا الزوج يصير مبين عليه انه متضايق من تصرفات زوجته او رفالتها او او ، يبين على تعابير وجهه ونفسيته ،
لكن اذا اخوك مبسوط معها فإنسي الموضوع .، يمكن يحبها ، او يمكن نفسيتها تعبانه عندها اكتئاب مثلا وهو مقدر هالشي فيها ، ماتدرين ترا البيوت اسرار ..
او يحبها ، على قولة المثل اذا حبتك عيني ماظامك الدهر .. هههه


وعادة المفهيات محظوظات ، اما الحارات السنعات 🤪


الله يصلح حالها يارب ويعينكم ان شالله

اجلسي مع اخوك لحالكم جلسة تكلمينه فيها بكل احترام وتفهمينه المقصد في جلستكم ..
أو اكتبي له ورقة اشرحي فيها مدى خطورة وضع الطفل وأن هذا من التفريط .
لا تقولين كلام يقلل من احترام اخوك أو زوجته كلميه بالمنطق والكلام الواعي ..وضرورة ايجاد حل لوضع الطفل .


ووصلي له بأن هالكلام نابع من خوفك على ولده الله لا يفجعهم فيه .
وثقي بأن أخوك لو اخترت المكان والزمان والكلام المناسب راح يستوعب الموقف وبدون ما يزعل عليك .
أكرر
على انفراد بعيدا عن الاحراجات لأخوك

الصراحة العيب مو منها من أخوك مع احترامي لك اخوك من النوع اللي تتحكم فيه الزوجة ولايقدر يقولها لا أعرف نوعيات كثيرة زيه.. يعني هو يهتم أكثر منها عودها خلاص.. فكلامكم مو معها معه.. طبعا هو بكيفه ولالكم دخل ليش تاخذه ليش تمسكه لكن قولوا مااحنا مسؤولين عنه..يزعل يطنقر بكيفه مصيره يرضى.. أو يسنع زوجته

هي بنفسها وبيتها لانظيفه الشهاده لله بس بارده يومها طويل عادي نجيها وساعه على ماتحط القهوه طبعها كذا بارده مره وبيتها نظيف وتحف ومانجيها الا هو يلمع