الي عندها زوج مثل زوجي تشور علي (تعبت والله)

الله يكون في عونك
قرأت مشكلتك مرتين ولاكون صريحه معك انتي ماوضحتي كيف يتحكم فيك ومضيق عليك
ولذلك بتجدين كثير يقولون لك تطلقي او يلمحون بالطلاق
ولو كان زوجك مايتعاشر كان تطلقتي من زمان ولا احتجتي لشور احد
واضح ان زوجك يطلعك ويمشيك ويخدمك لكن كل هذا معه وتحت نظره
معناه انه زوج غيور ويحبك ويخاف عليك
ممكن انت الزاويه اللي تشوفين منها حالتك زاويه مظلمه وترينه شكاك متسلط متحكم
انصحك تجيبين ورقه وقلم
واكتبي سيئات زوجك ومدى احتمالك لكل سلبيه
واكتبي حسنات زوجك ومدى استغنائك عنها
وقارني بين المساوئ والمحاسن
لكن لاتكتبين وتقارنين الا في وقت انت راضيه ومروقه وليست وقت مشكله
كثير من النساء مثلك ماتخرج ولا تطلب الا مع زوجها او تحت نظره وماعندها مشكله لانها ترى ان هذي وظيفه الزوج يخدمها ويطلعها ويجيب لها بنفسه
وهي بس تطلب
وغيرك تتمنى عندها زوج مثل زوجك لان في هذا الزمن كثر الرجال اللي تخلوا عن مسؤلياتهم وجعلوها على عاتق الزوجه
فاصبحت هي الرجل والمرأه في البيت وهو.متفرغ لنفسه وشهواته وطلعاته
اتمنى انك تغيرين الزاويه التي تنظرين منها ربما تتغير نفسك وتحمدين الله على زوجك

مدري والله بس كل شي له حل مافيه شي ماله حل بخصوص الجيران يشفونك اي شباك عندك يكون مفتوح بالمكان اللي انتي فيه سكريه وانتي موجوده عشان مايكون له عذر والبسي اللي تبين واذا قال شي طنشيه وكانك ماتسمعين مره مرتين ثلاث وبيتعود ع لبسك يعني في بيتك من بيشوفك بالله
المطاعم والبقاله شوفي اذا عندك واحد من اطفالك كبير ويفهم يعني اذا جت يطلع لها عادي وصي البقاله ماسويتي شي حرام ولاغلط
وكثري دعاء ان الله يسخره لك ويحنن قلبه عليك
والله يغيير حالك للافضل
وماانصح بالطلاق نهائيا الطلاق صح لو كان مايصرف عليك يضربك معذبك في حياتك
طيب جربي تستمتعين اذا طلع معكم كل جمعه اطلعوا مع بعض مره مول حديقه مطعم بر حلو جو العائله اما قصدك تطلعين لحالك اغلب الازواج يرفض زوجته تطلع لحالها

طالما صبرتي هذه المده كلها الله يعينك كملي
صبرك عشان اطفالك لايتشتتوا
عليك بالدعاء ان الله يسخره لك ويحنن قلبه عليك
والله يااختي لاتستهيني بالدعاء انه في من الفرج وفك الكرب الشي العظيم الحي على الله بالدعاء
والتوسل والتضرع ورح تشوفي من تغير حال زوجك
معك الامر العجيب
الله يسهل امرك وينفس كربك ويبدل حالك الى الاحسن

سعيد اخي مبارك ... اشكرج اختي على الرد الجميل وفعلا ممكن الانسان يشوفها من زاوية مختلفة لكني تعبت 😔.. اتعلمت ٢٦ سنة اروح واطلع فبيت اهلي بقدر المسموح لا افراط ولا تفريط ولذلك الوضع هذا متعبني جدا.
هيووشة ... تصدقين انه الشبابيك كلها مغلقة من الاساس لكنه يقول انه يشوفوني من خلف الشباك☹
احنا نطلع سوا لكن الطلع اغلبها نكد ... تدرون ليش ؟؟ لانه اذا التفت علي احد صارت غلطتي وبدت مشكلة واذا ضحكت ما يجوز واذا صوتي علا غلط كبير ... مثلا اليوم نزلت ابي اعدل ملابس بنتي عمرها سنة ونص صارت مشكلة لانه طلع في رجال وراي وانا ما اعرف ... طيب وش ذنبي ينكد علية وتخرب الطلعة كلها😟
اختي الشفوقة ... جزاكي الله خير فعلا صبرت ١٠ سنين لكن صبري بدا يقل .. الله المستعان راح ادعي عسى الله يغير من حالي.
ارجو تدعولي بصلاتكم لربما تصيب دعوة وحدة منكم وتنقذوني من اللي انا فيه .

زوجك مريض
و صبرك عليه غلط
ماعندك ابو تروحين تكلمينه يمصع اذنه ؟
غلطانه من ساسك لراسك
ماعاد بقي الا اصبر ع مجنون