تجمع مطبقات برنامج اندلسيه دودي لعلاج التوحد

ايوا كمان ماسويت لها اي حمية بالعكس جالسة اجرب اذوقها من كل شي يتصلح في البيت.. وبالفعل لقيت انها اذا جاعت بتاكل اي شي قدامها ومنعت الشبسسات والكيكات وفقط الكوكيز بالشوفان والمشمش او الكوكيز العادي حبة او حبتين في اليوم وام اند امز مرة كل كم اسبوع في ادارة في اخذ التشوكليت لمن نتقهوى حبه وحده ققط في منع وايقاف للعادات السلوكية الخاطئة والحمد لله مازلت مكملة وصاامدة وتحلو بالصبر واحتسبوا الاجر وكثرو من تمارين التركيز اعواد الاذن اعواد الاسنان حبات خرز كبييرة جدا عشان ماياكلونها اكواب ورق ايضا الحزم والشدة والعقاب والثواب وانك تعاملينه ك شخص طبيعي والحمد لله على كل حال

فيه احد من مكة يفيدنا بأفضل المراكز

للاسف التفاعل جداً قليل ...


ياليت اللي اولادهم تعافو يقولون تقريباً كم مدة العلاج من بعد الله تقريباً احس ضااااق صدري احس كل يوم جالس يضيع الولد مني مو قادرة اضبط الولد وهل استخدمو علاجات غير الاوميغا ٣

أختي إذا كان ابنك عنده إسهال ممكن الحمية تفيده استشيري طبيب اطفال لأن ممكن تكون عنده حساسية من الكازين. هنا رابط مجموعة مطبقات البرنامج أسسته أمهات شفيوا اطفالهن عليه تفاعل يومي وممكن تسألي ويجاوبوكي. مدة التطبيق تختلف حسب كل طفل واستجابته لكن بصفه عامة كل ما كان الطفل صغير كل ما كان اقل عناد واستجابته اعلى. انا كما باسمع فيديوهات الدكتور احمد عبد الخالق عاليوتيوب واخدت منها تمارين الاوامر والكرسي ساعدت معي في زيادة الادراك. المهم تبدئي مع ابنك ولا تسيبينه وتضيعين عليه الوقت

السلام عليكم
كيفكم يامكافحات يارائعات
انا كتبت عن حاله ابني قبل وشاركت استفسر كذا مره في هذا القروب المبارك اللي استفدت منه كثير
حاله ابني :انا بديت معاه البرنامج وانتهينا من المرحله الرابعه في رمضان اما مرحله الدمج فكانت صعبه في ذلك التوقيت
بعد ماانتهيت من المرحله الرابعه اضطريت اني اسافر للرياض وطبعا تعرفوا المطار كله نداءات بمكبرات وكانت مزعجه صراحه في مطار جده ..اخترنا الطياره تكون بدون شاشه
الغريب انو بعد المرحله الرابعه صار يعمل حركات بفمه حسيتها حركات لااراديه عمره ما عمل هالحركات وكمان يمشي ع اصابعه كم خطوه وهو قبل كذا عمره مامشي ع اطراف اصابعه غير النظرات الجانبيه اللي مااختفت تماما هذا كله قبل السفر بكم يوم واستمر بعد السفر كمان
طبعا لااحكيكم عن حالتي والتحطيم اللي صار جوا قلبي
لكن بديت ادلك رجوله قبل النوم والكلام والحضن ماوقفته والحمدلله بطل يمشي ع اطراف اصابعه وحركات فمه تدريجيا بدت تختفي..
ولما رجعنا جده حسيت الولد متذبذب مره كويس ومصحصح ومره متنح ومافي تركيز ..مره عصبي ومره هادي ..غير كمان تعرفوا ايام العيد الا متلاقي بيت مشغل اناشيد ..وصرت اكلم المقربين يقفلوا التلفزيون والاناشيد بس مو الكل صراحه
وبعد ماانتهت ايام العيد وبدا النوم ينتظم شوي عزمت اني اعيد معاه من البدايه والحين انا بالمرحله الاولى
بسألكم سؤال ❔
ولدي مرررره متعلق بالسيارت اغلب اليوم بس يلعب بالسياره انا اتابعه لما ينسدح اجلسه واخترعله طرق يلعب فيها الحمدلله يلعب فيها بشكل كويس ولكن هو نفسه اللعب اغلب اليوم .. وكمان الا ماينسدح وهو يلعب غير كذا ينوم السياره جنبه وقت النوم ومن يوم مايصحى وهي بيده
مااعرف كيف اتصرف معاه صراحه ولا هذا شي عادي مع اني مااظنه عادي
اسأل الله بأسمائه الحسنى وصفاته العلى ان يشفي فلذات اكبادنا شفاء تاما لايغادر سقما عاجلا غير آجلا