تجمع مطبقات برنامج اندلسيه دودي لعلاج التوحد

مرحبا ياامهات كيفكم وكيف التطورات معاااكم... بالنسبه لي النوم صار كويس الاكل ماشي الحال مافيه تنويع بس افضل من قبل.. تلتفت لاسمها احيان بس ماتطالعني... تجلس معنا ع سفرة الاكل..الحضن ماتتقبله كثير صرت احطها عند النافذه وامسكها من ورا... اتكلم واغني لها وتناظرني وقت تغيير البامبرز وصرت استغل الوضع وادلك يدينها ورجلينها... الشم لازالت مو متقبلته احيان امرر الحاجه ع السريع..التعلق مو مثل بداية البرنامج التذوق احط على شفايفها بس برضو تقاوم.. المضغ تمام.. زادت عندها الرفرفه والمشي ع اطراف الاصابع والحركات التكراريه وفيه حاجات ماكانت عندها وصارت تسويها ماادري اذا فيه خلل او فيه حاجه غلط مو عارفه بشنو تنصحوني ياامهات

افكر اعيد المرحله الاولى لان بنتي لاهي راضيه تنفخ ولاهي راضيه تشم عااادي يعني بالغصب وبرضو لازم اشيلها بكل وقت وانا صرت مااشيلها لاني اتعب😢

وفيه حاااجه ياامهات يمكن لاني صرت مااشيلها كثير فقل تعلقها فيني ماادري وجهوني...

لا تقلقي سارة. بالنسبة للحركات الجديدة انا ابني اول ما بدأت البرنامج وقفلت التلفاز واشتغلت معه صار معه مشي على اطراف الاصابع وبعد فترة صار رفرفة بسيطة والاثنين ما كانوا عنده. سالت ونيسان ردت علي وقتها قالت اعراض انسحابية وهي بالفعل تروح مع الوقت. المشكلة كمان انه اطفالنا صغار والاعراض الكاملة ممكن تستمر في الظهور حتى سنتين ونصف عشان كده ما بينت من اول. مشي على اطراف الاصابع يحتاج تمشيها على اسطح خشنة زي رمل او باردة زي المية مثلا عشان تحس بقدميها وكمان التدليك يساعد فيه وفي الرفرفة. وانشاء الله بتروح مع الوقت لا تخافي بس استمري بالمرحلة الاولى شوي كمان لين تخف. يعني تكون مرة كل فترة مو كل يوم. بالنسبة للحضن والتعلق ممكن يخف شوي بسبب انها تحسك تجبرينها على التمرينات فتهرب. وحالتك النفسية مرة مهمة. سبحان الله يحسون بسرعة اذا حالتك سيئة. والله انا ابني وقت احس باحباط احسه يبعد عني ووقت اسلم امري لله واتقبل واتيقن من الشفاء انشاء الله احسه رجعلي تاني وناظرلي ويصير مختلف تماما في المعاملة.
بالنسبة للشم انا ما حسيت ابني بالاول يبدي استجابة بس اظن بعدين مع التكرار يشمون. اهم شي تشوف استجابتك للرائحة او المذاق.
التعلق مو ضروري يكون في قمته بالمرحلة الاولى ممكن بالتانية او الثالثة حسب ما قرات من الامهات وانا نفسي ابني وصل للتعلق في التانية.

مشروع امل طمنتيني الحمدلله ماقصرتي عزيزتي ربي يشفي لك ابنك وبنتي واطفال المسلمين اجمعين