موظفه ٤ سنوات وما ادخرت شي

ممتاز اذن وضعك بسيط

اهم شي ما طحتي بالقروض

سوي استقطاع من راتبك لحساب متفرع ماله بطاقة

وكل راتب ينزل خاولي تشترين فيه اونصة او سبايك ذهب ماعليها ضريبة

مدة سنة سنتين بيتجمع لك مبلغ حلو للاستثمار

تشترين فيه ارض او شقة

طبعا اونصة الذهب ب5600 والسبايك من 500 وطالع

الله يسر امرك يارب




والله نفسي اشتغل لو بالف بس مستعدة اداوم من النجم ل النجم ٢٤ ساعة
بس اشتغل واصرف ع اولادي واجيب علاجنا ياريت اشتغل
ديري بالك ع حالك وع راتبك والله لا يحيجك
ووالله الحاجة اصعب اشي كل يوم بيموت المحتاج
الله يكفيكي شر الحاجة


الله يتمم عليكي يارب وادعيلي بالفرج

الدعوة بركة انتي راتبك مابه بركة
تصدقي يبارك لك براتبك خصصي مبلغ شهري لصدقة وابحثي عن اثار الصدقة على الانسان بماله وبحاله

👍👍👍👌

استغرب من ردود البعض و البخل الغريب..
انتي موظفه راتبك ٩ الاف ريال و بسبب و ظيفتك ضاع كثير من وجودك و اهتمامك بالبيت و كأنك ضيفه بالبيت مو زوجه قايمه بواجباتها فالبيت فعلى الاقل تحميل مصاريفك و سدي شي مكان شي مو لازم ابخل و اتهاوش مع الرجال بشكل يومي على شان مصروف و انا عندي راتب مبلغ كبير.
لو الواحده تزوجت وزوجه ماصرف عليه زنت و انتقدت ولما تتوظف و يمون راتبه كبير تبداء تفكر في ١٠٠ او ٥٠٠ التي في يد الرجال..
هذا حقك ما احد قاب شي ابد لكن شوفي وضعك هل انتي مقصره في بيتك بسبب العمل.. واكيد مقصره تروحي ٤ و تجي ٣ و تنامي والبيت اما خدامه او على الرجال قايم فيه.. فلازم يكون في عدل بنظرتنا و تفكيرنا حتى تستمر الحياه.
والمفروض تحسي بزوجك ويكون عندك عدل عنده راتب و مسؤاليه وبيت ومصاريف وانت لحالك فقط وما قدرتي على نفسك... يعني واضح تفكير زوجك اعقل منك.. وبراتب قدر يتحمل بيت وقرض و سياره وغيرها هذه نقطه لازم تنتبهي فيها لصالح الرجل.


نجي لموضعك انت اذا لحالك وماقدرتي تدخري شي فانت وضعك مأساوي جدا جدا في قضية المصاريف و وواضح زوجك عندما رفض يدفع لك مصاريف المستشفى انه شايف هدر مالي من قبلك في اشياء ما تسوى و وشايف ان لما تدفعيها لمستشفي غالي يكون افضل لك وافصل لفلوسك بدال ما تروح يمين و يسار بشي ما يسوى..
انت مانبي نزيد عليك تحتاجين توقفي كل مصاريفك الشهر الجاي و تغير كل وضعك من اصحاب و قروبات و غيرها وغيرها..
١٨٠٠ مصاريف سواق ما تضر شي باقي لك ٧٨٠٠ ريال..
انت الشهر الجاي ولا تدفعي شي نهائي الا مصاريف السواق وفقط ولا تحضري ولا مناسبه ولا طلعه ولا تشتري شي ولا حتى عصير ولا مويه..
هنا اذا نهاية الشهر وبقى معك مبلغ طيب تعرفين ان وضعك و مجتمعك هو سبب هدرك المالي وتعرفين الشهر الي بعده اش افضل ترجعيني له واش افضل تتركيه..